Vientiane Times Lao
ປິດການສັນຈອນເສັ້ນທາງພູເກົ້າຫຼັກ ເມືອງກາສີ ຫາ ເມືອງນານ

ປິດການສັນຈອນເສັ້ນທາງພູເກົ້າຫຼັກ ເມືອງກາສີ ຫາ ເມືອງນານ

 ຫ້ອງການໂຍທາທິການ ແລະ ຂົນສົ່ງ ເມືອງ ກາສີ ແຂວງ ວຽງຈັນແຈ້ງໃຫ້ຮູ້ວ່າ: ໄດ້ມີການປິດການສັນຈອນເສັ້ນທາງພູເກົ້າຫຼັກ ແຕ່ເມືອງກາສີ ແຂວງວຽງຈັນ ຫາ ເມືອງນານ ແຂວງຫລວງພະບາງ ນັບແຕ່ມື້ວານນີ້ ວັນທີ 7 ກໍລະກົດ 2020 ຍ້ອນຝົນຕົກໜັກ ໄດ້ເຮັດໃຫ້ດິນເຈື່ອນຖົມທາງເປັນໄລຍະຍາວປະມານ 300 ແມັດ, ນອກນັ້ນຍັງມີຕົ້ນໄມ້ໂຫງ່ຍລົ້ມລົງທັບທາງ ແລະ ມີນໍ້າໄຫຼໄປຕາມທາງນຳອີກ.

ທ່ານ ພັນ ນາມວັງ ຫົວໜ້າ ຫ້ອງການໂຍທາທິການ ແລະ ຂົນສົ່ງ ເມືອງ ກາສີ ໄດ້ກ່າວຕໍ່ທີມງານວຽງຈັນທາຍວ່າ: ປັດຈຸນັນນີ້, ວິຊາການຫ້ອງການໂຍທາທິການ ແລະ ຂົນສົ່ງ ກໍາລັງລົງສໍາຫຼວດເພື່ອເກັບກໍາຂໍ້ມູນຜົນເສຍຫາຍຂອງດິນເຈື່ອນຖົມທາງໃນຄັ້ງນີ້ ເພື່ອຈະປະເມີນຜົນເສຍຫາຍ ແລະ ນໍາໄປສູ່ການສ້ອມແປງຄືນໃໝ່. ການສັນຈອນຈະຖືກປິດໄປຈົນກວ່າຈະມີການສ້ອມແປງສໍາເລັດ ຊຶ່ງຄາດວ່າຈະໃຊ້ເວລາໃນການສ້ອມແປງຫຼາຍກວ່າໜຶ່ງອາທິດ.

ເສັ້ນທາງພູເກົ້າຫຼັກ ແຕ່ກາສີ ຫາ ເມືອງນານ ມີຄວາມຍາວປະມານ 65 ກິໂລແມັດ, ເສັ້ນທາງດັ່ງກ່າວສາມາດເຊື່ອມຕໍ່ກັບເສັ້ນທາງໄປແຂວງໄຊຍະບູລີ ແລະ ແຂວງຫລວງພະບາງ.  

ຂ່າວ: ວຽງຈັນທາຍ   

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ