Vientiane Times Lao
ພະຍຸໄຕ້ຝຸ່ນ ໂມລາເວ ຈະພັດຜ່ານແຂວງເຊກອງ ແລະ ສາລະວັນໃນເວລາ 15 ໂມງ 00 ຂອງມື້ນີ້

ພະຍຸໄຕ້ຝຸ່ນ ໂມລາເວ ຈະພັດຜ່ານແຂວງເຊກອງ ແລະ ສາລະວັນໃນເວລາ 15 ໂມງ 00 ຂອງມື້ນີ້

 ກົມອຸຕຸນິຍົມ ແລະ ອຸທົກກະສາດ ອອກແຈ້ງການເຕືອນດ່ວນມື້ເຊົ້ານີ້ວັນທີ 28 ຕຸລາ 2020 ເຖິງ ປະຊາຊົນແຂວງເຊກອງ ແລະ ສາລະວັນ ໃຫ້ກຽມຮັບມືກັບພະຍຸໄຕ້ຝຸ່ນໂມລາເວ (TY MOLAVE) ຫົວທີ 18  ທີ່ຈະເຄື່ອນທີ່ພັດຜ່ານແຂວງເຊກອງ ແລະ ສາລະວັນ ໃນເວລາ 15 ປະມານ ໂມງ 00 ຂອງມື້ນີ້ວັນທີ 28 ຕຸລາ ຊຶ່ງພະຍຸດັ່ງກ່າວໄດ້ເຄື່ອນຂຶ້ນຝັ່ງທາງພາກກາງຂອງ ສສ ຫວຽດນາມ ໃນຕອນເຊົ້າຂອງມື້ນີ້ກ່ອນຈະພັດເຂົ້າມາ ສປປ ລາວ ໂດຍຜ່ານ ແຂວງເຊກອງ ແລະ ແຂວງສາລະວັນ ແລະ ຈະອ່ອນກໍາລັງລົງເປັນພາຍຸດີເປຼຊັ້ນ ຊຶ່ງຈະເຮັດໃຫ້ມີຝົນຕົກໜັກ ຫາ ໜັກຫຼາຍ ພ້ອມມີລົມພັດແຮງຢູ່ບັນດາແຂວງ ພາກກາງ ແລະ ພາກໃຕ້ ນັບແຕ່ມື້ນີ້ ຫາ 29 ຕຸລາ 2020 ນີ້.

ກົມອຸຕຸນິຍົມ ແລະ ອຸທົກກະສາດແຈ້ງໃຫ້ຮູ້ຕື່ມອີກວ່າ: ອິດທິພົນຂອງພະຍຸດັ່ງກ່າວຈະເຮັດໃຫ້ມີຝົນຕົກໜັກ ຫາ ໜັກຫຼາຍ ພ້ອມມີລົມພັດແຮງ ຢູ່ບັນດາແຂວງ ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ເຊກອງ, ຈຳປາສັກ ແລະ ອັດຕະປື ຊຶ່ງອາດຈະເຮັດໃຫ້ລະດັບນ້ຳທີ່ເປັນສາຂາຂອງແມ່ນໍ້າງື່ມ, ນໍ້າຂອງ ແລະ ແມ່ນໍ້າອື່ນໆ ສືບຕໍ່ສູງຂຶ້ນຕື່ມອີກ ແລະ ອາດຈະເກີດມີນ້ຳຖ້ວມຊູ, ນ້ຳຖ້ວມອັ່ງ, ຕົ້ນໄມ້ຫັກລົ້ມ ແລະ ເຮືອນຊານເປ່ເພ ແລະ ອື່ນໆ.

ຂໍ້ມູນ: ກົມກົມອຸຕຸນິຍົມ ແລະ ອຸທົກກະສາດ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ