ອໍານາດການປົກຄອງ ແຂວງ ສະຫວັນນະເຂດ ໂດຍສະເພາະພະແນກແຜນການ ແລະ ການລົງທຶນແຂວງ ໄດ້ ພັດທະນາເວັບໄຊດຶງດູດການລົງທຶນ ທີ່ມີຊື່ວ່າ: http://invest-savannakhet.gov.la/ ຊຶ່ງມີການປະກາດໃຊ້ຢ່າງເປັນທາງການເມື່ອບໍ່ດົນມານີ້ ເພື່ອຊ່ວຍໃຫ້ນັກລົງທຶນ, ຜູ້ປະກອບການ ແລະ ບຸກຄົນທົ່ວໄປ ສາມາດເຂົ້າເບິ່ງ ແລະ ສາມາດດາວໂຫຼດຂໍ້ມູນການລົງທຶນພາຍໃນ ແຂວງຢ່າງສະດວກງ່າຍດາຍ, ເພື່ອອຳນວຍຄວາມສະດວກ ໃຫ້ຜູ້ປະກອບການ ແລະ ເປັນ ບ່ອນອີງໃນການຕັດສິນໃຈ ລົງທຶນຢູ່ແຂວງໃຫ້ມີຄວາມ ວ່ອງໄວ, ໂປ່ງໃສ ແລະເຊື່ອຖືໄດ້ ແນໃສ່ປັບປຸງບັນຍາກາດ ການລົງທຶນພາຍໃນແຂວງໃຫ້ ນັບມື້ນັບດີຂຶ້ນຕາມລຳດັບ, ຮັບປະກັນປະສິດທິພາບ ແລະ ໜາກຜົນ.
http://invest-savannakhet.gov.la/ ນີ້ຈະເປັນການສະໜອງຂໍ້ມູນຂ່າວສານທີ່ກ່ຽວຂ້ອງກັບການລົງທຶນ ຫຼື ປະກອບການຕັດສິນໃຈໃນການ ລົງທຶນເປັນຕົ້ນ: ທ່າແຮງການ ລົງທຶນຂອງ ແຂວງ ແລະ ເມືອງ, ບັນຊີໂຄງການລົງທຶນໃນປະ ຈຸບັນ, ບັນຊີຮຽກການລົງທຶນ ຂອງແຂວງ ແລະເມືອງ, ຂັ້ນ ຕອນການຂໍອະນຸຍາດລົງທຶນ, ນິຕິກຳກ່ຽວຂ້ອງຕ່າງໆ, ໂຄງ ການລົງທຶນ, ອັດຕາຄ່າເຊົ່າດິນ ພາຍໃນເຂດເສດຖະກິດພິເສດ ສະຫວັນ-ເຊໂນ, ນະໂຍບາຍ ສົ່ງເສີມພາຍໃນເຂດ ແລະ ນອກ ເຂດ ແລະ ແບບຟອມສະເໜີຂໍ ລົງທຶນໃຫ້ມີຄວາມສະດວກ ແລະ ວ່ອງໄວຂຶ້ນ ແລະ ອື່ນໆ.
ຂ່າວ: ສພຂ
