ບັນດາພາກສ່ວນຜູ້ປະກອບການເອກະຊົນ ທີ່ດໍາເນີນທຸລະກິດໃນ ສປປ ລາວ ສືບຕໍ່ ໃຫ້ການຊ່ວຍເຫຼືອ ເພື່ອສະໜັບສະໜູນວຽກງານສະກັດກັ້ນການແຜ່ລະບາດຂອງພະຍາດໂຄວິດ-19.
ພິທີມອບ-ຮັບການຊ່ວຍເຫຼືອຈັດຂື້ນໃນວັນທີ 1 ພຶດສະພາ 2020 ເຊິ່ງມອບໂດຍ ບໍລິສັດເອັສທີກຣຸບ ຮ່ວມກັບທະນາຄານເອັສທີ ຈໍາກັດ ມອບກ້ອງຈັບອຸນຫະພູມ ຈຳນວນ 5 ຊຸດ ມູນຄ່າ 650 ລ້ານກີບ ແລະ ກຸ່ມບໍລິສັດ ດີເອຊເຄ ຈຳກັດ ມອບເງິນສົດຈຳນວນ 100 ລ້ານກີບ ເຊີ່ງຮັບໂດຍ ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ຫົວໜ້າຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂພະຍາດອັກເສບປອດ ທີ່ເກີດຈາກເຊື້ອຈຸລະໂລກສາຍພັນໃໝ່ ໂຄວິດ-19.
ໃນພິທີພິທີມອບ-ຮັບການຊ່ວຍເຫຼືອ, ທ່ານ ສົມດີ ດວງດີ ໄດ້ສະແດງຄວາມຂອບໃຈ ມາຍັງບັນດາບໍລິສັດທີ່ໄດ້ປະກອບສ່ວນຊ່ວຍເຫຼືອດ້ານວັດຖຸ ແລະ ເງິນສົດ ໃຫ້ແກ່ລັດຖະບານ ເພື່ອນໍາໃຊ້ເຂົ້າໃນການປ້ອງກັນ ແລະ ສະກັດກັ້ນພະຍາດໂຄວິດ-19 ບໍ່ໃຫ້ ແຜ່ລາມໃນວົງກວ້າງຢູ່ ສປປ ລາວ.
ຂ່າວ: ວຽງຈັນທາຍ
ພາບ: ພູນຊັບ
