ພະແນກກວດກາ ແລະ ຄວບຄຸມຢາເສບຕິດ ປກສ ແຂວງຫົວພັນ ສົມທົບກັບ ປກສ ເມືອງ ແລະ ທະຫານເມືອງຊໍາເໜືອ ໄດ້ທຳລາຍສວນຝິ່ນທີ່ປະຊາຊົນລັກລອບປູກ ຈຳນວນ 7,5 ເຮັກຕາ ຢູ່ກຸ່ມບ້ານຫ້ວຍມ້າ ຈຸດບ້ານກໍໄຮ່ ເມືອງຊຳເໜືອ, ແຂວງຫົວພັນ.
ຕາມການລາຍງານໃຫ້ຮູ້ຕື່ມອີກວ່າ: ນອກຈາກຈຸດດັ່ງກ່າວແລ້ວ ຍັງມີອີກຫຼາຍຈຸດທີ່ຍັງບໍ່ໄດ້ທຳລາຍ ເນື່ອງຈາກຢູ່ເຂດຫ່າງໄກສອກຫຼີກ.
ປະເທດລາວໄດ້ປະກາດລົບລ້າງການປູກຝິ່ນໄດ້ຫຼາຍສິບປີແລ້ວແຕ່ຍັງມີປະຊາຊົນຈໍານວນໜຶ່ງຍັງລັກລອບປູກຝິ່ນ ໂດຍສະເພາະຢູ່ເຂດຫ່າງໄກສອກ ຫຼີກຢູ່ບັນດາແຂວງພາກເໜືອ.
ທີ່ມາ: ປກສ ແຂວງ ຫົວພັນ