Vientiane Times Lao
ພົບແລ້ວ 2 ສົບຈາກ 5 ຄົນທີ່ສູນຫາຍ ຈາກເຮືອຫຼົ້ມທີ່ເມືອງລ້ອງແຈ້ງ

ພົບແລ້ວ 2 ສົບຈາກ 5 ຄົນທີ່ສູນຫາຍ ຈາກເຮືອຫຼົ້ມທີ່ເມືອງລ້ອງແຈ້ງ

ປະຊາຊົນທ້ອງຖິ່ນໄດ້ລາຍງານໃຫ້ຮູ້ວ່າ: ໃນຕອນເຊົ້າຂອງວັນທີ 17 ຕຸລາ ນີ້ໄດ້ພົບສົບ 2 ຄົນແລ້ວຈາກ 5 ຄົນທີ່ສູນຫາຍຈາກເຫດການທີ່ເຮືອຫຼົ້ມ 2 ລໍາທີ່ອ່າງນໍ້າໄຜ່ ບ້ານໜອງພູນໄຊ ເມືອງລ້ອງແຈ້ງ ແຂວງໄຊສົມບູນ ເມື່ອວັນທີ 13 ຕຸລາ 2021 ທີ່ຜ່ານມາ ຊຶ່ງສົບດັ່ງກ່າວໄດ້ຟູຂຶ້ນມາໜ້ານໍ້າເອງ.

ເຫດເຮືອຫຼົ້ມດັ່ງກ່າວເກີດເວລາປະມານ 17 ໂມງ 00 ນາທີ ໂດຍມີເຮືອ 2 ລຳ ທີ່ກັບຈາກການກ່ຽວເຂົ້າຂີ່ຕາມຫຼັງກັນມາ, ຢູ່ພາຍໃນເຮືອມີຄົນທັງໝົດ 19 ຄົນໃນນີ້ 5 ຄົນແມ່ນໄດ້ຈົມນໍ້າ ແລະ 14 ຄົນສາມາດລອຍເຂົ້າຝັ່ງໄດ້, ທັງໝົດເປັນປະຊາຊົນບ້ານໜອງພູນໄຊ ເມືອງລ້ອງແຈ້ງ ແຂວງໄຊສົມບູນ, ອຸບັດເຫດເກີດຂຶ້ນຍ້ອນຈັກເຮືອລໍາທາງໜ້າເກີດຂັດຂ້ອງ (ຈັກມອດ) ເຮັດໃຫ້ເຮືອລໍາທາງຫຼັງຕໍາ (ຂຶ້ນໂຄມ) ຈຶ່ງເຮັດໃຫ້ເຮືອຫຼົ້ມທັງ 2 ລຳ ແລະ ຈຸດເກີດເຫດແມ່ນຫ່າງຈາກຝັ່ງປະມານ 100 ກວ່າແມັດ.

ພາບ: ສ ສົມຈິງ ໄຊອຸດົມ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ