Vientiane Times Lao
ພຽງ 15 ວັນ ມີອຸບັດຕິເຫດເກີດຂຶ້ນ 17ຄັ້ງ ເສຍຊີວິດ 3 ຄົນ ຢູ່ນະຄອນຫຼວງວຽງຈັນ

ພຽງ 15 ວັນ ມີອຸບັດຕິເຫດເກີດຂຶ້ນ 17ຄັ້ງ ເສຍຊີວິດ 3 ຄົນ ຢູ່ນະຄອນຫຼວງວຽງຈັນ

ໃນສະພາບການແຜ່ລະບາດຂອງເຊື້ອພະຍາດໂຄວິດ-19 ແລະ ໄລຍະການສືບຕໍ່ເພີ່ມທະວີປະຕິບັດມາດຕະການປ້ອງກັນພະຍາດໂຄວິດ-19 ນີ້ ຢູ່ນະຄອນຫຼວງວຽງຈັນ ກໍ່ຍັງມີສະພາບການເກີດອຸບັດເຫດຕາມທ້ອງຖະໜົນໃນແຕ່ລະວັນ ເປັນຈໍານວນຫຼາຍ, ໂດຍສະເພາະໃນໄລຍະແຕ່ວັນທີ 1-15 ຕຸລາ 2021 ທົ່ວນະຄອນຫຼວງວຽງຈັນ ມີອຸບັດຕິເຫດເກີດຂຶ້ນ 17 ຄັ້ງ, ມີຜູ້ໄດ້ຮັບບາດເຈັບ 20 ຄົນ ແລະ ເສຍຊີວິດ 3 ຄົນ.

ພະແນກຕຳຫຼວດຈະລາຈອນ ນະຄອນຫຼວງວຽງຈັນ ໄດ້ລາຍງານ ເມື່ອບໍ່ດົນມານີ້ວ່າ: ສາຍເຫດທີ່ພາໃຫ້ເກີດອຸບັດເຫດ ສ່ວນໃຫຍ່ເກີດຈາກການລະເມີດກົດລະບຽບການສັນຈອນຂອງຜູ້ຂັບຂີ່ ໂດຍສະເພາະຂັບ​ຂີ່​ໄວ​ເກີນ​ກຳ­ນົດ, ແຊງ​ຊ້າຍ-ຂວາ​ບໍ່​ຮັບ­ປະ­ກັນ ແລະ ອື່ນໆ  ຊຶ່ງເປັນສາຍເຫດຂອງການເກີດອຸ­ບັດ­ເຫດຕາມທ້ອງຖະໜົນ. ສ່ວນພາ­ຫະ­ນະທີ່ຮ່ວມກໍ່ເຫດເກີດອຸບັດເຫດຫຼາຍກວ່າໝູ່ ແມ່ນລົດຍົນຕໍາລົດຈັກ 8 ຄັ້ງ, ຮອງລົງມາລົດຍົນຕໍາລົດຍົນ 5 ຄັ້ງ, ລົດຈັກຕໍາລົດຈັກ 1 ຄັ້ງ ແລະ ອື່ນໆ.ພະແນກຕຳຫລວດຈະລາຈອນ ນະຄອນຫຼວງວຽງຈັນ ລາຍງານໃຫ້ຮູ້ຕື່ມອີກວ່າ: ຖະໜົນທີ່ເກີດອຸບັດຂຶ້ນຫຼາຍກ່ວາໝູ່ ແມ່ນຖະໜົນທ່າງ່ອນ, ຖະໜົນກໍາແພງເມືອງ, ຖະໜົນສຸພານູວົງ, ຖະໜົນ 13 ເໜືອ, 13 ໃຕ້ ແລະ ອື່ນໆ ຊຶ່ງໄລຍະເວລາການເກີດອຸບັດຕິເຫດສ່ວນໃຫຍ່ ແມ່ນເວລາ 14:00-23:00.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ