Vientiane Times Lao
ພຽງ 3 ເດືອນ ມີຜູ້ເສຍຊີວິດ11 ຄົນ ຈາກອຸບັດເຫດທີ່ແຂວງບໍ່ແກ້ວ

ພຽງ 3 ເດືອນ ມີຜູ້ເສຍຊີວິດ11 ຄົນ ຈາກອຸບັດເຫດທີ່ແຂວງບໍ່ແກ້ວ

ທ່ານ ພັທ ແຊລໍລີ ສີສຸພັນ ຫົວໜ້າພະແນກຕຳຫຼວດຈະລາຈອນ ແຂວງບໍ່ແກ້ວ ໄດ້ລາຍງານ ກ່ຽວກັບສະພາບການປ້ອງກັນອຸບັດເຫດຕາມທ້ອງຖະໜົນພາຍໃນແຂວງບໍ່ແກ້ວເມື່ອບໍ່ດົນມານີ້ ໃຫ້ຮູ້ວ່າ: ນັບແຕ່ເດືອນມັງກອນ ຫາ ເດືອນມີນາ 2021 ທີ່ຜ່ານມານີ້, ພາຍໃນແຂວງບໍ່ແກ້ວມີຜູ້ເສຍຊີວິດແລ້ວ 11 ຄົນ ແລະ ມີຜູ້ບາດເຈັບ 61 ຄົນ (ບາດເຈັບເລັກນ້ອຍ 30 ຄົນ, ສົມຄວນ 24 ຄົນ ແລະ ສາຫັດ 7 ຄົນ ຈາກອຸບັດເຫດທີ່ເກີດຂຶ້ນທັງໝົດ 37 ຄັ້ງ, ນອກຈາກນີ້ພາຫະນະເປ່ເພລວມທັງໝົດ 44 ຄັນ.

ທ່ານ ພັທ ແຊລໍລີ ໃຫ້ຮູ້ຕື່ມວ່າ: ສຳລັບການປ້ອງກັນອຸບັດເຫດໃນງານບຸນປີໃໝ່ລາວປີ ພສ 2564 ໃນລະຫວ່າງວັນທີ 14-16 ເມສາ 2021 ນີ້, ພະແນກຕໍາຫຼວດຈະລາຈອນແຂວງບໍ່ແກ້ວ ຈະວາງກໍາລັງປ້ອງກັນທັງໝົດ 7 ຈຸດ ແລະ ຈະມີເຈົ້າໜ້າທີ່ເຄື່ອນໄຫວ ລາດຕະເວນ ໃນທົ່ວແຂວງ ເພື່ອຕິດຕາມສະພາບອຸບັດເຫດ ທີ່ອາດຈະເກີດຂຶ້ນ. ສຳລັບຜູ້ຂັບຂີ່ຍານພາຫະນະທີ່ມີທາດເຫຼົ້າ ຫຼື ຜູ້ທີ່ລະເມີດເຈົ້າໜ້າທີ່ຈະໄດ້ມີການກັກຕົວ ແລະ ສຶກສາອົບຮົມຕາມລະບຽການ.

ຂ່າວ: ຄຳພັນ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ