Visit BigblueAgency
ມຊ ກໍານົດ 11 ປະເພດກິລາ ຮ່ວມແຂ່ງຂັນກິລາມະຫາວິທະຍາໄລລາວ ຄັ້ງທີ II 2024

ມຊ ກໍານົດ 11 ປະເພດກິລາ ຮ່ວມແຂ່ງຂັນກິລາມະຫາວິທະຍາໄລລາວ ຄັ້ງທີ II 2024

ມະຫາວິທະຍາໄລແຫ່ງຊາດ (ມຊ ) ເປັນເຈົ້າພາບຈັດງານມະຫະກຳກິລາມະຫາວິທະຍາໄລລາວ ຄັ້ງທີ 2 ປະຈໍາປີ 2024 ໄດ້ກໍານົດ 11 ປະເພດກິລາ ເຂົ້າຮ່ວມແຂ່ງຂັນກິລາຄັ້ງນີ້ ຊຶ່ງຈະຈັດຂຶ້ນໃນລະຫວ່າງ ວັນທີ 5-14 ພຶດສະພາ 2024 ຢູ່ໃນບໍລິເວນເຂດ ມຊ (ດົງໂດກ).

ທ່ານ ຮອງສາດສະດາຈານ ສິນທະວອນ ດາລາວົງ ຮອງອະທິການບໍດີ ມະຫາວິທະຍາໄລແຫ່ງຊາດ ທັງເປັນຮອງປະທານຮັບຜິດຊອບຈັດງານມະຫະກຳກິລາມະຫາວິທະຍາໄລລາວ ຄັ້ງທີ 2 ໄດ້ກ່າວໃນກອງປະຊຸມປຶກສາຫາລື ກັບບັນດາອະນຸກຳມະການຝ່າຍຕ່າງໆ ເພື່ອກະກຽມງານກິລາຄັ້ງນີ້ ເມື່ອບໍ່ດົນມານີ້ວ່າ: ງານກິລາຄັ້ງນີ້ ຈະມີການແຂ່ງຂັນທັງໝົດ 11 ປະເພດກິລາ ເຊັ່ນ:  ບານເຕະ (ຊາຍ-ຍິງ), ບານສົ່ງ (ໃນຮົ່ມ ແລະ ຫາດຊາຍ), ບານບ້ວງ 3×3, ເປຕັງ, ຢູໂດ, ເທຄວັນໂດ, ປັນຈັກສີລັດ, ດອກປີກໄກ່, ກະຕໍ້, E-sports ແລະ ແລ່ນ-ລານ ແມ່ນຈະຈັດຢູ່ໃນບໍລິເວນເຂດ ມຊ, ຍົກເວັ້ນກິລາຢູໂດ ຈະຈັດຢູ່ສູນບູໂດເຊັນເຕີ.

ໃນກອງປະຊຸມຄັ້ງນີ້ ບັນດາຜູ້ເຂົ້າຮ່ວມຍັງໄດ້ແລກປ່ຽນຄວາມຄິດຄຳເຫັນກັນ ກ່ຽວກັບໜ້າວຽກຕ່າງໆທີ່ປິ່ນອ້ອມ ເຊັ່ນ: ວຽກພິທີການ, ຕ້ອນຮັບ, ອາສາສະໝັກ, ໂຄສະນາ, ການແພດ ແລະ ອື່ນໆ.

ສໍາລັບ ງານມະຫະກຳກິລາມະຫາວິທະຍາໄລລາວ ຄັ້ງທີ1 ປີ 2016 ແມ່ນຈັດຂຶ້ນທີ່ ນະຄອນຫຼວງວຽງຈັນ ໂດຍມະຫາວິທະຍາ ໄລແຫ່ງຊາດ (ເປັນເຈົ້າພາບ).

Related Articles

Leave a Reply