Visit BigblueAgency
ມຊ ຄອງເຈົ້າຫຼຽນຄຳ ງານມະຫະກຳກິລາມະຫາວິທະຍາໄລລາວ ເກມ ຄັ້ງທີ 2

ມຊ ຄອງເຈົ້າຫຼຽນຄຳ ງານມະຫະກຳກິລາມະຫາວິທະຍາໄລລາວ ເກມ ຄັ້ງທີ 2

ຄະນະກິລາມະຫາວິທະຍາໄລແຫ່ງຊາດ (ມຊ) ເຈົ້າພາບງານມະຫະກຳກິລາມະຫາວິທະຍາໄລລາວ ເກມ ຄັ້ງທີ 2 ປະຈໍາປີ 2024 ຄອງເຈົ້າຫຼຽນຄຳໃນງານກິລາຄັ້ງນີ້ ຊຶ່ງສາມາດກວາດມາໄດ້ 25 ຫຼຽນຄຳ, 21 ຫຼຽນເງິນ ແລະ 33 ຫຼຽນທອງ ລວມ 79 ຫຼຽນ.

ງານມະຫະກຳກິລາມະຫາວິທະຍາໄລລາວ ຄັ້ງທີ 2 ໄດ້ຈັດຂຶ້ນໃນລະຫວ່າງວັນທີ 5-14 ພຶດສະພາ 2024 ຢູ່ໃນບໍລິເວນເຂດ ມຊ ດົງໂດກ, ຊຶ່ງການແຂ່ງຂັນກີລາພາຍໃນງານຄັ້ງນີ້ ມີ 11 ປະເພດກິລາ ຄື: ກິລາແລ່ນ-ລານ, ບານເຕະຍິງ-ຊາຍ, ດອກປີກໄກ່, ເທຄວັນໂດ, ປັນຈັກສີລັດ, ບານສົ່ງໃນຮົ່ມ ແລະ ຫາດຊາຍ, ບານບ້ວງ, ກະຕໍ້, ຢູໂດ, ອີ-ສະປອດ ແລະ ເປຕັງ ແລະ ມີການຊີງຫຼຽນທັງໝົດ 337 ຫຼຽນ, ໃນນີ້ ແບ່ງເປັນ 104 ຫຼຽນຄໍາ, 104 ຫຼຽນເງິນ ແລະ 129 ຫຼຽນທອງ.

ງານມະຫະກຳກິລາມະຫາວິທະຍາໄລລາວ ຄັ້ງນີ້ ມີ 14 ພາກສ່ວນຮ່ວມແຂ່ງຂັນ ໂດຍສາມາດສະຫຼຸບອັນດັບຫຼຽນ ຄື: ມະຫາວິທະຍາໄລແຫ່ງຊາດ ສາມາດຄອງເຈົ້າຫຼຽນຄຳ ຊຶ່ງສາມາດຍາດໄດ້ 25 ຫຼຽນຄຳ, 21 ຫຼຽນເງິນ ແລະ 33 ຫຼຽນທອງ ລວມ 79 ຫຼຽນ. ອັນດັບທີ 2 ສະຖາບັນກິລາ-ກາຍະກຳ ຍາດໄດ້ 22 ຫຼຽນຄຳ, 22 ຫຼຽນເງິນ ແລະ 12 ຫຼຽນທອງ ລວມ 56 ຫຼຽນ. ອັນດັບທີ 3 ວິທະຍາຄານກອງທັບ ຍາດໄດ້ 21 ຫຼຽນຄຳ, 13 ຫຼຽນເງິນ ແລະ 11 ຫຼຽນທອງ ລວມ 45 ຫຼຽນ. ອັນດັບທີ 4 ວິທະຍາຄານສັນຕິບານປະຊາຊົນ ຍາດໄດ້ 11 ຫຼຽນຄຳ, 7 ຫຼຽນເງິນ ແລະ 7 ຫຼຽນທອງ ລວມ 25 ຫຼຽນ. ອັນດັບທີ 5 ມະຫາວິທະຍາໄລວິທະຍາສາດສຸຂະພາບ ຍາດໄດ້ 6 ຫຼຽນຄຳ, 6 ຫຼຽນເງິນ ແລະ 15 ຫຼຽນທອງ ລວມ 27 ຫຼຽນ. ອັນດັບທີ 6 ມະຫາວິທະຍາໄລສະຫວັນນະເຂດ ຍາດໄດ້ 4 ຫຼຽນຄຳ, 4 ຫຼຽນເງິນ ແລະ 9 ຫຼຽນທອງ ລວມ 17 ຫຼຽນ. ອັນດັບທີ 7 ມະຫາວິທະຍາໄລສຸພານຸວົງ ຍາດໄດ້ 3 ຫຼຽນຄຳ, 5 ຫຼຽນເງິນ ແລະ 11 ຫຼຽນທອງ ລວມ 19 ຫຼຽນ. ອັນດັບທີ 8 ສະຖາບັນລາວ-ອາເມລິກາ ຍາດໄດ້ 3 ຫຼຽນຄຳ, 3 ຫຼຽນເງິນ ແລະ 4 ຫຼຽນທອງ ລວມ 10 ຫຼຽນ. ອັນດັບທີ 9 ສະຖາບັນການທະນາຄານ ຍາດໄດ້ 3 ຫຼຽນຄຳ, 2 ຫຼຽນເງິນ ແລະ 3 ຫຼຽນທອງ ລວມ 8 ຫຼຽນ. ອັນດັບທີ 10 ມະຫາວິທະຍາໄລຈຳປາສັກ ຍາດໄດ້ 2 ຫຼຽນຄຳ, 8 ຫຼຽນເງິນ ແລະ 9 ຫຼຽນທອງ ລວມ 19 ຫຼຽນ. ອັນດັບທີ 11 ສະຖາບັນຣັຕນະບໍລິຫານທຸລະກິດ ຍາດໄດ້ 2 ຫຼຽນຄຳ, 6 ຫຼຽນເງິນ ແລະ 9 ຫຼຽນທອງ ລວມ 17 ຫຼຽນ. ອັນດັບທີ 12 ສະຖາບັນເຕັກໂນໂລຊີສຸດສະກະ ຍາດໄດ້ 1 ຫຼຽນຄຳ, 5 ຫຼຽນເງິນ ແລະ 3 ຫຼຽນທອງ ລວມ 9 ຫຼຽນ. ອັນດັບທີ 13 ສະຖາບັນຍຸຕິທຳແຫ່ງຊາດ ຍາດໄດ້ 1 ຫຼຽນຄຳ, 2 ຫຼຽນເງິນ ແລະ 2 ຫຼຽນທອງ ລວມ 5 ຫຼຽນ ແລະ ອັນດັບທີ 14 ວິທະຍາໄລເຕັກນິກ-ວິຊາຊີບກຽດຕິສັກ ຍາດໄດ້ 1 ຫຼຽນທອງ ລວມ 1 ຫຼຽນ.

Related Articles

Leave a Reply