Visit BigblueAgency
ມອບຮັບໜ້າທີ່ລະຫວ່າງເຈົ້າແຂວງຄຳມ່ວນຜູ້ໃໝ່ ແລະ ເຈົ້າແຂວງຄຳມ່ວນຜູ້ເກົ່າ    

ມອບຮັບໜ້າທີ່ລະຫວ່າງເຈົ້າແຂວງຄຳມ່ວນຜູ້ໃໝ່ ແລະ ເຈົ້າແຂວງຄຳມ່ວນຜູ້ເກົ່າ    

ພິທີມອບຮັບໜ້າທີ່ລະຫວ່າງທ່ານ ໂອໄດ ສຸດາພອນ ເລຂາພັກແຂວງ, ເຈົ້າແຂວງຄຳມ່ວນຜູ້ເກົ່າທີ່ໄດ້ອອກກະສຽນບຳນານ ແລະ ທ່ານ ວັນໄຊ ພອງສະຫວັນ ທີ່ຖືກແຕ່ງຕັ້ງເປັນເລຂາພັກແຂວງ,  ຮັກສາການເຈົ້າແຂວງຄໍາມ່ວນຜູ້ໃໝ່ໄດ້ຈັດຂຶ້ນເມື່ອວັນທີ 26 ຕຸລາທີ່ຜ່ານມາ ຢູ່ຫ້ອງວ່າການແຂວງຄໍາມ່ວນ  ໂດຍເປັນກຽດ ເຂົ້າຮ່ວມຂອງ ກຳມະການກົມການເມືອງສູນກາງພັກ, ຜູ້ປະຈຳການຄະນະ ເລຂາທິການ ສູນກາງພັກ, ຮອງປະທານປະເທດແຫ່ງ ສປປ ລາວ ທ່ານ ພັນຄຳ ວິພາວັນ.

ເນື່ອງໃນໂອກາດດັ່ງກ່າວ, ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດແຫ່ງ ສປປ ລາວ ທ່ານ ພັນຄຳ ວິພາວັນໄດ້ເນັ້ນໃຫ້ຮັກສາການເຈົ້າແຂວງຄໍາມ່ວນຜູ້ໃໝ່ ໃຫ້ສືບຕໍ່ເສີມຂະຫຍາຍອັນດີ ແລະ ແກ້ໄຂຈຸດອ່ອນ ແລະ ຂໍ້ຄົງຄ້າງຕ່າງໆເພື່ອພັດທະນາ ເສດຖະກິດ-ສັງຄົມຂອງແຂວງໃຫ້ ບັນລຸຕາມຄາດໝາຍ ທີ່ວາງໄວ້.·

ຂ່າວ-ພາບ: ສັງກິ ໂພທິສັດ

Related Articles

Leave a Reply