ສະໂມສອນບານເຕະ ມາສເຕີ້ ເຊເວັ້ນ ຄວ້າແຊ້ມການແຂ່ງຂັນບານເຕະ ລາວລີກ ຍິງ ປະຈຳປີ 2024 LAO WOMEN’S LEAGUE 2024 ໄດ້ຮັບຂັນແຊ້ມ ພ້ອມເງິນລາງວັນ 300 ລ້ານກີບ, ອັນດັບ 2 ກອງທັບ ໄດ້ຮັບເງິນ 100 ລ້ານກີບ ແລະ ອັນດັບ 3 ຫຼວງພະບາງ ໄດ້ຮັບເງິນ 50 ລ້ານກີບ.
ການແຂ່ງຂັນບານເຕະລາວລີກຍິງ ປະຈຳປີ 2024 ( Lao Women’s League 2024) ປະກອບມີ 10 ທີມ ເຂົ້າຮ່ວມ: ກອງທັບ, ມາສເຕີ້ ເຊເວັ້ນ, ທ່າຊ້າງ, ເອັສອີຊີ, ມະຫາວິທະຍາໄລແຫ່ງຊາດລາວ, ນ້ຳທາ, ຈຳປາສັກ, ຫຼວງພະບາງ ແລະ ວຽງຈັນ.
ການແຂ່ງຂັນລາຍການນີ້ ໄດ້ສຳເລັດໃນວັນທີ 7 ກັນຍາ 2024 ຜ່ານມານີ້ ພາຍຫຼັງດໍາເນີການແຂ່ງຂັນມາແຕ່ວັນທີ 15 ມິຖຸນາ 2024, ໂດຍໄດ້ນຳໃຊ້ສະໜາມກິລາແຫ່ງຊາດຫຼັກ 16 (ສະໜາມໃນ), ສະໜາມກິລາແຫ່ງຊາດຫຼັກ 16 (ສະໜາມນອກ), ສູນຝຶກຫ້ວຍຫົງ ( 2 ສະໜາມ), ສະໜາມກິລາກາງມະຫາວິທະຍາໄລແຫ່ງຊາດລາວ, ສະໜາມກິລາກອງທັບ ຫຼັກ 5, ສະໜາມກິລາກອງບັນຊາການທະຫານແຂວງວຽງຈັນ ແລະ ສະໜາມກິລາສະຖານບັນກິລາ-ກາຍຍະກຳ( ສີເກີດ ), ຊຶ່ງຈັດການແຂ່ງຂັນ ໂດຍສະຫະພັນບານເຕະແຫ່ງຊາດລາວ (ສຕລ).
ທີ່ມາ: ສຕລ
