ທ່ານພັນຄໍາ ວິພາວັນ ນາຍົກລັດຖະມົນຕີແຫ່ງ ສປປ ລາວໄດ້ອອກດໍາລັດວ່າດ້ວຍຊຸດເຄື່ອງນຸ່ງປະຈໍາຊາດເມື່ອວັນທີ 1 ທັນວາ 2021 ທີ່ຜ່ານມາຕາມການສະເໜີຂອງກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຊຶ່ງດໍາລັດດັ່ງກ່າວຈະກໍານົດອົງປະກອບ, ມາດຕະຖານຂອງຊຸດເຄື່ອງນຸ່ງປະຈໍາຊາດ ເພື່ອໃຫ້ມີຄວາມເປັນເອກະພາບ, ຮັກສາໄດ້ລັກສະນະຊາດ, ມະຫາຊົນ ແລະ ກ້າວໜ້າແນໃສ່ອະນຸລັກສືບທອດຮີດຄອງປະເພນີ ເສີມຂະຫຍາຍ ແລະ ພັດທະນາ ຫົວຄິດປະດິດສ້າງຂອງປະຊາຊົນດ້ານສີມືອັນປານີດຈົບງາມທີ່ເປັນເອກະລັກໂດດເດັ່ນຂອງຊາດ.
ຊຸດເຄື່ອງນຸ່ງປະຈໍາຊາດແມ່ນເຄື່ອງນຸ່ງຫົ່ມ, ເຄື່ອງປະດັບເອ້ ທີ່ເປັນເອກະລັກ ແລະ ມູນເຊື້ອວັດທະນະທໍາ ທີ່ນໍາໃຊ້ແຕ່ງກາຍຂອງທ່ານຍິງ ແລະ ທ່ານຊາຍເພື່ອເຂົ້າຮ່ວມພິທີທາງການ, ພິທີການ ແລະ ພິທີກໍາ ຕາມຄວາມເໝາະສົມ.
ລາຍລະອຽດຕ່າງໆຂອງຊຸດປະຈໍາຊາດລະບຸໄວ້ຕາມດໍາລັດດັ່ງລຸ່ມນີ້:
