Vientiane Times Lao
ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 60 ຄົນ

ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 60 ຄົນ

ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງ ພະຍາດໂຄວິດ-19 ໄດ້ຖະແຫຼງຂ່າວເມື່ອວັນທີ 4 ພຶດສະພາ 2021 ນີ້ໃຫ້ຮູ້ວ່າ: ລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 60 ຄົນ ເມື່ອວັນທີ 4 ພຶດສະພາ 2021 ນີ້ ຈາກການເກັບຕົວຢ່າງມາກວດຫາເຊື້ອທັງໝົດ 1.463 ຄົນໃນມື້ວັນທີ 3 ພຶດສະພາ 2021 ທີ່ຜ່ານມາ, ຜູ້ຕິດເຊື້ອໃໝ່ດັ່ງກ່າວ ແມ່ນຢູ່ນະຄອນຫຼວງວຽງຈັນ 8 ຄົນ, ແຂວງຈໍາປາສັກ 30 ຄົນ, ສະຫວັນນະເຂດ 1 ຄົນ, ແຂວງວຽງຈັນ 1 ຄົນ, ບໍ່ແກ້ວ 20 ຄົນ.
ຄະນະສະເພາະກິດໃຫ້ຮູ້ຕື່ມວ່າ: ຮອດມື້ວັນທີ 4 ພຶດສະພາ 2021 ນີ້, ສປປ ລາວພົບຜູ້ຕິດເຊື້ອສະສົມຈາກພະຍາດດັ່ງກ່າວແລ້ວທັງໝົດ 1.026 ຄົນ ໃນນີ້ປິ່ນປົວຫາຍດີ 60 ຄົນ, ຍັງນອນປິ່ນປົວຢູ່ໂຮງໝໍໃນຂອບ ເຂດທົ່ວ ປະເທດ 966 ຄົນແຕ່ບໍ່ມີຜູ້ເສຍຊີວິດ.
ພະຍາດດັ່ງກ່າວໄດ້ແຜ່ລະບາດໄປຮອດ 14 ແຂວງ ແລະ ນະຄອນຫຼວງວຽງ ຈັນແລ້ວ ຍັງແຕ່ 3 ແຂວງທີ່ຍັງບໍ່ມີຜູ້ຕິດເຊື້ອພະຍາດໂຄວິດ-19 ຢູ່ລາວປະກອບມີ: ແຂວງອັດຕະປື, ໄຊສົມບູນ ແລະ ຫົວພັນ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ