Vientiane Times Lao
ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 573 ຄົນ

ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 573 ຄົນ

ສະພາບການແຜ່ລະບາດຂອງພະຍາດໂຄວິດ-19 ຢູ່ປະເທດລາວຍັງໜ້າເປັນຫ່ວງໂດຍຍັງກວດພົບຜູ້ຕິດເຊື້ອພາຍໃນຈຳນວນຫຼາຍໃນແຕ່ລະວັນ ຊຶ່ງໃນວັນທີ່ 15 ຕຸລາ 2021 ປະເທດລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ເຖິງ 573 ຄົນ ໃນນີ້ເປັນກໍລະນີນຳເຂົ້າພຽງ 2 ຄົນ ໂດຍທີ່ແຂວງ ຄຳມ່ວນໄດ້ກວດພົບຜູ້ຕິດເຊື້ອພາຍໃນທີ່ມີຕົວເລກເພີ່ມຂື້ນຢ່າງໜ້າເປັນຫ່ວງ ຊຶ່ງມື້ນີ້ໄດ້ກວດພົບຜູ້ຕິດເຊື້ອຫຼາຍກວ່າທຸກໆແຂວງ.

ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 14 ຕຸລາ  2021 ທີ່ຜ່ານມາໄດ້ເກັບຕົວຢ່າງມາກວດວິເຄາະ​ທັງ​ໝົດ 6.512 ຕົວ​ຢ່າງ, ​ກວດພົບ​ຜູ້​ຕິດ​ເຊື້ອ​ເພີ່ມ​ໃໝ່ 573  ຄົນ, ໃນນີ້ 571 ຄົນ ຕິດ​ເຊື້ອພາຍໃນ.

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນ ແມ່ນ​ຢູ່​ນະ​ຄອນ ​ຫຼວງວຽງຈັນ 145 ຄົນ ( ຕິດເຊື້ອພາຍໃນ ), ແຂວງ ຫຼວງພະບາງ 45 ຄົນ ( ຕິດເຊື້ອພາຍໃນ ), ແຂວງ ບໍ່ແກ້ວ 10 ຄົນ ( ຕິດເຊື້ອພາຍໃນ ), ແຂວງ ວຽງຈັນ 86 ຄົນ (ຕິດເຊື້ອພາຍໃນ ), ແຂວງ ໄຊສົມບູນ 21 ຄົນ ( ຕິດເຊື້ອພາຍໃນ ), ແຂວງ ບໍລິຄຳໄຊ 31 ຄົນ ( ຕິດເຊື້ອພາຍໃນ ), ແຂວງ ຄຳມ່ວນ 161 ຄົນ ( ຕິດເຊື້ອພາຍໃນ ), ແຂວງ ສະຫວັນນະເຂດ 43 ຄົນ ( 1 ຄົນນຳເຂົ້າ ແລະ 42 ຄົນຕິດເຊື້ອພາຍໃນ ), ແຂວງ ສາລະວັນ 5 ຄົນ ( 1 ຄົນນຳເຂົ້າ ແລະ 4 ຄົນຕິດເຊື້ອພາຍໃນ ), ແຂວງ ຈໍາປາສັກ 25 ຄົນ ( ຕິດເຊື້ອພາຍໃນ ), ແຂວງ ອັດຕະປື 1 ຄົນ ( ຕິດເຊື້ອພາຍໃນ ).

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 31.188 ຄົນ, ກຳລັງນອນປິ່ນປົວ 7.529 ຄົນ, ເສຍຊີວິດສະສົມ 36 ຄົນ.

ຂໍ້ມູນ: ບົດຖະແຫຼງຂ່າວຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດພະຍາດໂຄວິດ-19 ປະຈຳວັນທີ 15 ຕຸ​ລາ 2021

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ