Vientiane Times Lao
ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 296 ຄົນ ແລະ ເສຍຊີວິດໃໝ່ 2 ຄົນ

ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 296 ຄົນ ແລະ ເສຍຊີວິດໃໝ່ 2 ຄົນ

ສະພາບການແຜ່ລະບາດຂອງພະຍາດໂຄວິດ-19 ຢູ່ປະເທດລາວຍັງໜ້າເປັນຫ່ວງໂດຍຍັງກວດພົບຜູ້ຕິດເຊື້ອພາຍໃນເປັນຈຳນວນຫຼາຍ ແລະ ມີຜູ້ເສຍຊີວິດຈາກພະຍາດໂຄວິດ-19 ເພີ່ມຂື້ນ ຊຶ່ງໃນມື້ວັນທີ່ 17 ຕຸລາ 2021 ປະເທດລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ເຖິງ 296 ຄົນ ໃນນີ້ເປັນກໍລະນີນຳເຂົ້າພຽງ 13 ຄົນ, ໂດຍສະເພາະມື້ນີ້ມີຜູ້ເສຍຊີວິດໃໝ່ 2 ຄົນ( 1 ຄົນຢູ່ນະຄອນຫຼວງວຽງຈັນ ແລະ 1 ຄົນຢູ່ແຂວງ ບໍ່ແກ້ວ).

ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 16 ຕຸລາ  2021 ທີ່ຜ່ານມາໄດ້ເກັບຕົວຢ່າງມາກວດວິເຄາະ​ທັງ​ໝົດ 5.622 ຕົວ​ຢ່າງ, ​ກວດພົບ​ຜູ້​ຕິດ​ເຊື້ອ​ເພີ່ມ​ໃໝ່ 296  ຄົນ, ໃນນີ້ 283 ຄົນ ຕິດ​ເຊື້ອພາຍໃນ.

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນ ແມ່ນ​ຢູ່​ນະ​ຄອນ ​ຫຼວງວຽງຈັນ 112 ຄົນ ( 7 ຄົນນຳເຂົ້າ ແລະ 105 ຄົນຕິດເຊື້ອພາຍໃນ ), ແຂວງ ຫຼວງພະບາງ 49 ຄົນ (  ຕິດເຊື້ອພາຍໃນ ), ແຂວງ ບໍ່ແກ້ວ 20 ຄົນ ( ຕິດເຊື້ອພາຍໃນ ), ແຂວງ ຫຼວງນ້ຳທາ 1 ຄົນ ( ຕິດເຊື້ອພາຍໃນ ), ແຂວງ ໄຊຍະບູລີ 1 ຄົນ ( ນຳເຂົ້າ ), ແຂວງ ວຽງຈັນ 47 ຄົນ (ຕິດເຊື້ອພາຍໃນ ), ແຂວງ ບໍລິຄຳໄຊ 2 ຄົນ ( ຕິດເຊື້ອພາຍໃນ ), ແຂວງ ຄຳມ່ວນ 15 ຄົນ ( ຕິດເຊື້ອພາຍໃນ ), ແຂວງ ສະຫວັນນະເຂດ 12 ຄົນ ( 4 ຄົນນຳເຂົ້າ ແລະ 8 ຄົນຕິດເຊື້ອພາຍໃນ ), ແຂວງ ສາລະວັນ 13 ຄົນ ( 1 ຄົນນຳເຂົ້າ ແລະ 12 ຄົນຕິດເຊື້ອພາຍໃນ ), ແຂວງ ຈໍາປາສັກ 24 ຄົນ ( ຕິດເຊື້ອພາຍໃນ ). 

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 32.029 ຄົນ, ກຳລັງນອນປິ່ນປົວ 7.258 ຄົນ, ເສຍຊີວິດສະສົມ 40  ຄົນ.

ຂໍ້ມູນ: ບົດຖະແຫຼງຂ່າວຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດພະຍາດໂຄວິດ-19 ປະຈຳວັນທີ 17 ຕຸ​ລາ 2021

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ