Vientiane Times Lao
ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 657 ຄົນ ແລະ ເສຍຊີວິດໃໝ່ 5 ຄົນ

ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 657 ຄົນ ແລະ ເສຍຊີວິດໃໝ່ 5 ຄົນ

ສະພາບການແຜ່ລະບາດຂອງພະຍາດໂຄວິດ-19 ຢູ່ປະເທດລາວຍັງໜ້າເປັນຫ່ວງໂດຍຍັງກວດພົບຜູ້ຕິດເຊື້ອພາຍໃນຈຳນວນຫຼາຍໃນແຕ່ລະວັນ ຊຶ່ງໃນວັນທີ່ 19 ຕຸລາ 2021 ນີ້ກໍກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ເຖິງ 657 ຄົນ ໃນນີ້ເປັນກໍລະນີນຳເຂົ້າພຽງ 1 ຄົນ ແລະ ມີຜູ້ເສຍຊິວິດໃໝ່ 5 ຄົນ.

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ-19ໄດ້ແຈ້ງໃຫ້ຮູ້ວ່າ: ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 18 ຕຸລາ  2021 ທີ່ຜ່ານມາໄດ້ເກັບຕົວຢ່າງມາກວດວິເຄາະ​ທັງ​ໝົດ 5.911 ຕົວ​ຢ່າງ, ​ກວດພົບ​ຜູ້​ຕິດ​ເຊື້ອ​ເພີ່ມ​ໃໝ່ 657  ຄົນ, ໃນນີ້ 656 ຄົນ ຕິດ​ເຊື້ອພາຍໃນ, ເສຍຊີວິດໃໝ່ເຖິງ 5 ຄົນ( ຢູ່ ນະຄອນຫຼວງວຽງຈັນ 2 ຄົນ, ແຂວງ ຫຼວງພະບາງ 1 ຄົນ, ແຂວງ ວຽງຈັນ 1 ຄົນ ແລະ ແຂວງ ສະຫວັນນະເຂດ 1 ຄົນ ).

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນ ແມ່ນ​ຢູ່​ນະ​ຄອນ ​ຫຼວງວຽງຈັນ 239 ຄົນ ( ຕິດເຊື້ອພາຍໃນ ), ແຂວງ ຫຼວງພະບາງ 72 ຄົນ ( ຕິດເຊື້ອພາຍໃນ ), ແຂວງ ບໍ່ແກ້ວ 1 ຄົນ ( ຕິດເຊື້ອພາຍໃນ ), ແຂວງ ວຽງຈັນ 155 ຄົນ (ຕິດເຊື້ອພາຍໃນ ), ແຂວງ ໄຊສົມບູນ 16 ຄົນ ( ຕິດເຊື້ອພາຍໃນ ), ແຂວງ ບໍລິຄຳໄຊ 25 ຄົນ ( ຕິດເຊື້ອພາຍໃນ ), ແຂວງ ຄຳມ່ວນ 126 ຄົນ ( ຕິດເຊື້ອພາຍໃນ ), ແຂວງ ສະຫວັນນະເຂດ 10 ຄົນ ( 1 ຄົນນຳເຂົ້າ ແລະ 9 ຄົນຕິດເຊື້ອພາຍໃນ ), ແຂວງ ສາລະວັນ 4 ຄົນ ( ຕິດເຊື້ອພາຍໃນ ), ແຂວງ ຈໍາປາສັກ 9 ຄົນ ( ຕິດເຊື້ອພາຍໃນ ). 

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 32.971 ຄົນ, ກຳລັງນອນປິ່ນປົວ 7.167 ຄົນ, ເສຍຊີວິດສະສົມ 45 ຄົນ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ