Vientiane Times Lao
ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 635 ຄົນ ແລະ ເສຍຊີວິດໃໝ່ 2 ຄົນ

ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 635 ຄົນ ແລະ ເສຍຊີວິດໃໝ່ 2 ຄົນ

ສະພາບການແຜ່ລະບາດຂອງພະຍາດໂຄວິດ-19 ຢູ່ປະເທດລາວຍັງໜ້າເປັນຫ່ວງໂດຍຍັງກວດພົບຜູ້ຕິດເຊື້ອພາຍໃນເປັນຈຳນວນຫຼາຍ ແລະ ມີຜູ້ເສຍຊີວິດຈາກພະຍາດໂຄວິດ-19 ເພີ່ມຂື້ນ ຊຶ່ງໃນມື້ວັນທີ 20 ຕຸລາ 2021 ປະເທດລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ເຖິງ 635 ຄົນ ໃນນີ້ເປັນກໍລະນີນຳເຂົ້າພຽງ 7 ຄົນ, ໂດຍທີ່ ນະຄອນຫຼວງວຽງຈັນ ໄດ້ກວດພົບຜູ້ຕິດເຊື້ອພາຍໃນທີ່ມີຕົວເລກເພີ່ມຂື້ນຢ່າງໜ້າເປັນຫ່ວງ ຊຶ່ງຈຳນວນຜູ້ຕິດເຊື້ອມີເຖິງ 439 ຄົນ.

ຄະນະສະເພາະກິດເພື່ອປ້ອງກັນ,ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ໄດ້ແຈ້ງໃຫ້ຮູ້ວ່າ: ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 19 ຕຸລາ  2021 ທີ່ຜ່ານມາໄດ້ເກັບຕົວຢ່າງມາກວດວິເຄາະ​ທັງ​ໝົດ 5.710 ຕົວ​ຢ່າງ, ​ກວດພົບ​ຜູ້​ຕິດ​ເຊື້ອ​ເພີ່ມ​ໃໝ່ 635  ຄົນ, ໃນນີ້ 628 ຄົນ ຕິດ​ເຊື້ອພາຍໃນ, ເສຍຊີວິດເພີ່ມໃໝ່ 2 ຄົນແມ່ນຢູ່ ນະຄອນຫຼວງວຽງຈັນ

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນ ແມ່ນ​ຢູ່​ນະ​ຄອນ ​ຫຼວງວຽງຈັນ 439 ຄົນ ( ຕິດເຊື້ອພາຍໃນ ), ແຂວງ ຫຼວງພະບາງ 72 ຄົນ (  ຕິດເຊື້ອພາຍໃນ ), ແຂວງ ບໍ່ແກ້ວ 2 ຄົນ ( ຕິດເຊື້ອພາຍໃນ ), ແຂວງ ຫຼວງນ້ຳທາ 3 ຄົນ ( ຕິດເຊື້ອພາຍໃນ ), ແຂວງ ອຸດົມໄຊ 6 ຄົນ ( ຕິດເຊື້ອພາຍໃນ ), ແຂວງ ວຽງຈັນ 39 ຄົນ (ຕິດເຊື້ອພາຍໃນ ), ແຂວງ ບໍລິຄຳໄຊ 1 ຄົນ ( ຕິດເຊື້ອພາຍໃນ ), ແຂວງ ຄຳມ່ວນ 19 ຄົນ ( ຕິດເຊື້ອພາຍໃນ ), ແຂວງ ສະຫວັນນະເຂດ 18 ຄົນ ( 5 ຄົນນຳເຂົ້າ ແລະ 13 ຄົນຕິດເຊື້ອພາຍໃນ ), ແຂວງ ສາລະວັນ 15 ຄົນ ( ຕິດເຊື້ອພາຍໃນ ), ແຂວງ ຈໍາປາສັກ 20 ຄົນ ( 2 ຄົນນຳເຂົ້າ ແລະ 18 ຄົນຕິດເຊື້ອພາຍໃນ ), ແຂວງ ເຊກອງ 1 ຄົນ ( ຕິດເຊື້ອພາຍໃນ )

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 33.606 ຄົນ, ກຳລັງນອນປິ່ນປົວ 7.093ຄົນ, ເສຍຊີວິດສະສົມ 47  ຄົນ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ