Vientiane Times Lao
ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 520 ຄົນ

ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 520 ຄົນ

ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຖະແຫຼງຂ່າວປະຈຳວັນທີ 22 ຕຸລາ 2021 ນີ້​ໃຫ້ຮູ້ວ່າ: ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 21 ຕຸລາ  2021 ທີ່ຜ່ານມາໄດ້ເກັບຕົວຢ່າງມາກວດວິເຄາະ​ທັງ​ໝົດ 5.580 ຕົວ​ຢ່າງ, ​ກວດພົບ​ຜູ້​ຕິດ​ເຊື້ອ​ເພີ່ມ​ໃໝ່ 520  ຄົນ, ໃນນີ້ 518 ຄົນ ຕິດ​ເຊື້ອພາຍໃນ.

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນຕິດເຊື້ອນຳເຂົ້າມີພຽງ 2 ຄົນຢູ່ແຂວງ ສະຫວັນນະເຂດ ແລະ ຕິດເຊື້ອພາຍໃນທີ່ມີເຖິງ 518 ຄົນ​ນັ້ນ ແມ່ນ ຢູ່​ນະ​ຄອນ ​ຫຼວງວຽງຈັນ 289 ຄົນ, ແຂວງ ຫຼວງພະບາງ 54 ຄົນ, ແຂວງ ບໍ່ແກ້ວ 11 ຄົນ, ແຂວງ ຫຼວງນ້ຳທາ 47 ຄົນ, ແຂວງ ວຽງຈັນ 40 ຄົນ, ແຂວງ ໄຊສົມບູນ 4 ຄົນ, ແຂວງ ບໍລິຄຳໄຊ 11 ຄົນ, ແຂວງ ຄຳມ່ວນ 28 ຄົນ, ແຂວງ ສະຫວັນນະເຂດ 15 ຄົນ, ແຂວງ ສາລະວັນ 7 ຄົນ, ແຂວງ ຈໍາປາສັກ 8 ຄົນ ແລະ ແຂວງ ເຊກອງ 4 ຄົນ. ສຳລັບມື້ນີ້ ມີຜູ້ປິ່ນປົວຫາຍດີອອກໂຮງໝໍ 304 ຄົນ ແລະ ບໍ່ມີຜູ້ເສຍຊິວິດໃໝ່. 

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 34.518 ຄົນ, ກຳລັງນອນປິ່ນປົວ 6.975 ຄົນ, ເສຍຊີວິດສະສົມ 49 ຄົນ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ