Vientiane Times Lao
ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 1.510 ຄົນ ແລະ ເສຍຊີວິດ 4 ຄົນ

ມື້ນີ້ມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 1.510 ຄົນ ແລະ ເສຍຊີວິດ 4 ຄົນ

ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຖະແຫຼງຂ່າວປະຈຳວັນທີ 26 ພະຈິກ 2021 ນີ້​ໃຫ້ຮູ້ວ່າ: ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 25 ພະຈິກ 2021 ທີ່ຜ່ານມາໄດ້ເກັບຕົວຢ່າງມາກວດວິເຄາະ​ທັງ​ໝົດ 5627 ຕົວ​ຢ່າງ, ​ກວດພົບ​ຜູ້​ຕິດ​ເຊື້ອ​ເພີ່ມ​ໃໝ່ 1.510 ຄົນ, ໃນນີ້ 1.509 ຄົນ ຕິດ​ເຊື້ອພາຍໃນ.

ໃນ​ຈຳ​ນວນ​ຜູ້​ຕິ​ດ​ເຊື້ອເພີ່ມໃໝ່​ນັ້ນຕິດເຊື້ອນຳເຂົ້າມີພຽງ 1 ຄົນຢູ່ແຂວງ ບໍລິຄຳໄຊ, ຕິດເຊື້ອພາຍໃນທີ່ມີເຖິງ 1.509 ຄົນ​ນັ້ນ ແມ່ນ ຢູ່​ນະ​ຄອນ ​ຫຼວງວຽງຈັນ 856 ຄົນ, ແຂວງ ຜົ້ງສາລີ 6 ຄົນ, ແຂວງ ຫຼວງພະບາງ 134 ຄົນ, ແຂວງ ບໍ່ແກ້ວ 70 ຄົນ, ແຂວງ ຫົວພັນ 21 ຄົນ, ແຂວງ ຫຼວງນ້ຳທາ 11 ຄົນ, ແຂວງ ຊຽງຂວາງ 5 ຄົນ, ແຂວງ ອຸດົມໄຊ 42 ຄົນ, ແຂວງ ໄຊຍະບູລີ 74 ຄົນ, ແຂວງ ວຽງຈັນ 107 ຄົນ, ແຂວງ ໄຊສົມບູນ 3 ຄົນ, ແຂວງ ບໍລິຄຳໄຊ 36 ຄົນ, ແຂວງ ຄຳມ່ວນ 5 ຄົນ, ແຂວງ ສະຫວັນນະເຂດ 63 ຄົນ, ແຂວງສາລະວັນ 12 ຄົນ, ແຂວງ ຈໍາປາສັກ 48 ຄົນ, ແຂວງ ເຊກອງ 13 ຄົນ ແລະ ແຂວງ ອັດຕະປື 3 ຄົນ. ສຳລັບມື້ນີ້ ມີຜູ້ປິ່ນປົວຫາຍດີອອກໂຮງໝໍ 761 ຄົນ, ເສຍຊີວິດໃໝ່ 4 ຄົນ ( ຢູ່ນະຄອນຫຼວງວຽງຈັນ 3 ຄົນ ແລະ ແຂວງ ຫຼວງພະບາງ 1 ຄົນ )

ຮອດປັດຈຸບັນ, ປະ​ເທດ​ລາ​ວ ມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 68.832 ຄົນ, ກຳລັງນອນປິ່ນປົວ 10.981 ຄົນ, ເສຍຊີວິດສະສົມ 147 ຄົນ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ