ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວີດ-19 ໄດ້ແຈ້ງໃຫ້ຮູ້ເມື່ອວັນທີ 16 ກໍລະກົດນີ້ວ່າ: ມື້ນີ້ ສປປ ລາວກວດພົບຜູ້ຕິດເຊື້ອພະຍາດໂຄວິດ-19 ເພີ່ມໃໝ່ 95 ຄົນ ຈາກຜູ້ ໄດ້ກວດວິເຄາະທັງໝົດ 1.697 ຄົນໃນຂອບເຂດທົ່ວປະເທດເມື່ອວັນທີ 15 ກໍລະກົດ ທີ່ຜ່ານມາ ຊຶ່ງຜູ້ຕິດເຊື້ອດັ່ງກ່າວຢູ່ ແຂວງ ຄໍາມ່ວນ 2 ຄົນ (ກໍລະນີນໍາເຂົ້າ), ສະຫວັນນະເຂດ 22 ຄົນ (ກໍລະນີນໍາເຂົ້າ), ຈໍາປາສັກ 71 ຄົນ (ກໍລະນີນໍາເຂົ້າ 70 ຄົນ ແລະ ຊຸມຊົນ 1 ຄົນ) ຊຶ່ງຜູ້ຕິດເຊື້ອກໍລະນີນຳເຂົ້າແມ່ນແຮງງານ ລາວທີ່ເດີນທາງກັບຄືນປະເທດແບບຖືກກົດໝາຍ.
ຮອດປັດຈຸບັນລາວມີຜູ້ຕິດເຊື້ອພະຍາດໂຄວິດ-19 ສະສົມແລ້ວ 3.187 ຄົນ ໃນນີ້ປິ່ນປົວຫາຍດີແລ້ວ 2.175 ຄົນ, ຍັງນອນປິ່ນປົວ 1.008 ຄົນ ແລະ ເສຍຊີວິດ 4 ຄົນ, ທົ່ວປະເທດຍັງໃຊ້ສູນຈໍຳກັດບໍລິເວນ 48 ສູນ ແລະ ຍັງມີຜູ້ຈຳກັດບໍລິເວນທັງໝົດ 6.150 ຄົນ.
