Vientiane Times Lao
ມື້ນີ້ລາວກວດພົບຜູ້ຕິດເຊື້ອໂຄວິດ-19 ເພິ່ມ​ໃໝ່ 127 ຄົນ

ມື້ນີ້ລາວກວດພົບຜູ້ຕິດເຊື້ອໂຄວິດ-19 ເພິ່ມ​ໃໝ່ 127 ຄົນ

ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ແຈ້ງ​ໃຫ້​ຮູ້​ໃນ​ວັນ​ທີ 14 ກັນ​ຍາ 2021 ນີ້​ວ່າ: ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 13 ກັນ​ຍາ 2021 ທີ່ຜ່ານມາ ຈາກ​ຈຳ​ນວນ​ທັງ​ໝົດ 3.985 ຕົວ​ຢ່າງ ໃນ​ທົ່ວ​ປະ​ເທດນັ້ນ ໄດ້ກວດ​ພົບ​ຜູ້​ຕິດ​ເຊື້ອ​ເພີ່ມ​ໃໝ່ 127 ຄົນ ຊຶ່ງ 54 ຄົນ ຕິດ​ໃນ​ຊຸມ​ຊົນ.

ໃນ​ຈຳ​ນວນ​ຜູ້​ຕິ​ດ​ເຊື້ອໃໝ່​ນັ້ນ ແມ່ນ​ຢູ່​ນະ​ຄອນ ​ຫຼວງວຽງຈັນ 35 ຄົນ (11 ຄົນ​ນຳ​ເຂົ້າ ແລະ 24  ຄົນຕິດໃນຊຸມຊົນ), ແຂວງ ຫຼວງ​ພະ​ບາງ  2 ຄົນ ( ​ນຳ​ເຂົ້າ), ແຂວງ ຄໍາມ່ວນ 39 ຄົນ ( 30 ຄົນ​ນຳ​ເຂົ້າ ແລະ 9 ຄົນ ຕິດໃນຊຸມຊົນ),  ສາລະວັນ 10 ຄົນ ( 6 ຄົນນໍາເຂົ້າ ແລະ 4 ຄົນ​ຕິດ​ໃນ​ຊຸມ​ຊົນ ),  ສະຫວັນນະເຂດ 28 ຄົນ ( 24 ຄົນນໍາເຂົ້າ ແລະ 4 ຄົນຕິດໃນຊຸມຊົນ), ຈໍາປາສັກ 13 ຄົນ ( ຕິດໃນຊຸມຊົນ )

ຮອດປັດຈຸບັນ, ປະ​ເທດ​ລາ​ວມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 17.682 ຄົນ ໃນນີ້ປິ່ນປົວຫາຍດີ 13.252  ຄົນ, ຍັງນອນປິ່ນປົວ  4.414 ຄົນ ແລະ ເສຍຊີວີດ 16 ຄົນ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ