Vientiane Times Lao
ມື້ນີ້ລາວກວດພົບຜູ້ຕິດເຊື້ອໂຄວິດ-19 ໃນຊຸມຊົນເຖິງ 158 ຄົນ ຈາກທັງໝົດ 223 ຄົນ

ມື້ນີ້ລາວກວດພົບຜູ້ຕິດເຊື້ອໂຄວິດ-19 ໃນຊຸມຊົນເຖິງ 158 ຄົນ ຈາກທັງໝົດ 223 ຄົນ

ຄະ​ນະ​ສະ​ເພາະ​ກິດ​ເພື່ອ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ແຈ້ງ​ໃຫ້​ຮູ້​ໃນ​ວັນ​ທີ 15 ກັນ​ຍາ 2021 ນີ້​ວ່າ: ການກວດ​ວິ​ເຄາະ​ຫາ​ເຊື້ອ​ພະ​ຍາດ​ໂຄວິດ-19 ໃນ​ວັນ​ທີ 14 ກັນ​ຍາ 2021 ທີ່ຜ່ານມາ ຈາກ​ຈຳ​ນວນ​ທັງ​ໝົດ 5.233 ຕົວ​ຢ່າງ ໃນ​ທົ່ວ​ປະ​ເທດນັ້ນ ໄດ້ກວດ​ພົບ​ຜູ້​ຕິດ​ເຊື້ອ​ເພີ່ມ​ໃໝ່ 223 ຄົນ ຊຶ່ງ ໃນນີ້ 158 ຄົນ ຕິດ​ໃນ​ຊຸມ​ຊົນ.

ໃນ​ຈຳ​ນວນ​ຜູ້​ຕິ​ດ​ເຊື້ອໃໝ່​ນັ້ນ ແມ່ນ​ຢູ່​ນະ​ຄອນ ​ຫຼວງວຽງຈັນ 21 ຄົນ (19 ຄົນ​ນຳ​ເຂົ້າ ແລະ 2  ຄົນຕິດໃນຊຸມຊົນ), ແຂວງ ຫຼວງ​ພະ​ບາງ 15 ຄົນ ( 3 ຄົນ​ນຳ​ເຂົ້າ ແລະ 12 ຄົນ​ຕິດ​ໃນ​ຊຸມ​ຊົນ), ​ແຂວງ ບໍ່​ແກ້ວ 2 ຄົນ ( ຕິດ​ໃນ​ຊຸມ​ຊົນ), ແຂວງ ຫຼວງ​ນ້ຳ​ທາ 2 ຄົນ ( ຕິດ​ໃນ​ຊຸມ​ຊົນ), ແຂວງ ວຽງ​ຈັນ 1 ຄົນ ( ຕິດ​ໃນ​ຊຸມ​ຊົນ), ແຂວງ ຄໍາມ່ວນ 21 ຄົນ ( 4 ຄົນ​ນຳ​ເຂົ້າ ແລະ 17 ຄົນ ຕິດໃນຊຸມຊົນ),  ສາລະວັນ 9 ຄົນ ( 3 ຄົນນໍາເຂົ້າ ແລະ 6 ຄົນ​ຕິດ​ໃນ​ຊຸມ​ຊົນ ),  ສະຫວັນນະເຂດ 38 ຄົນ ( 27 ຄົນນໍາເຂົ້າ ແລະ 11 ຄົນຕິດໃນຊຸມຊົນ), ຈໍາປາສັກ 113 ຄົນ ( 9 ຄົນນຳ​ເຂົ້າ ແລະ 104 ຄົນຕິດໃນຊຸມຊົນ ), ແຂວງ ເຊກອງ 1 ຄົນ ( ຕິດ​ໃນ​ຊຸມ​ຊົນ)

ຮອດປັດຈຸບັນ, ປະ​ເທດ​ລາ​ວມີຜູ້ຕິດເຊື້ອພະຍາດໂຄວິດ-19 ສະສົມຈຳ​ນວນ 17.905 ຄົນ ໃນນີ້ປິ່ນປົວຫາຍດີ 13.623  ຄົນ, ຍັງນອນປິ່ນປົວ  4.266 ຄົນ ແລະ ເສຍຊີວີດ 16 ຄົນ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ