ໃນສະພາບການປ່ຽນແປງຂອງດິນຟ້າອາກາດ ແລະ ກ້າວເຂົ້າສູ່ລະດູໜາວ ຊຶ່ງເປັນໄລຍະທີ່ເໝາະສົມແກ່ການຂະຫຍາຍຕົວ ແລະ ການລະບາດຂອງພະຍາດ ຕາມລະດູການເຊັ່ນ: ພະຍາດໄຂ້ຫວັດ, ເຈັບຄໍ, ພະຍາດອັກເສບລະບົບຫາຍໃຈ ແລະ ພະຍາດອື່ນໆ.
ຕໍສະພາບອາກາດໜາວນີ້, ໃຫ້ທຸກຄົນເອົາໃຈໃສ່ເບິ່ງແຍງສຸຂະພາບຕົນເອງໃຫ້ດີ ເຊັ່ນ: ນຸ່ງຫົ່ມໃຫ້ຮ່າງກາຍອົບອຸ່ນຢູ່ສະເໝີ, ຫາກມີອາການບໍ່ສະບາຍ ໃຫ້ໄປປິ່ນປົວນໍາແພດທີ່ໂຮງໝໍໃກ້ບ້ານຂອງຂອງທ່ານ, ສິ່ງສໍາຄັນບໍ່ຄວນຊຶ້ຢາມາກິນເອງ.
ສໍາລັບ ພະຍາກອນອາກາດ ປະຈໍາວັນທີ 3 ພະຈິກ 2024: ຄວາມກົດດັນສູງຂອງອາກາດເຢັນທີ່ປະເທດຈີນ ຍັງສືບຕໍ່ແຜ່ລົງມາ ປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງອ່ອນ ຫາ ປານກາງ ສົມທົບກັບລົມຕາເວັນອອກສ່ຽງເໜືອພັດປົກຄຸມດ້ວຍກໍາລັງແຮງ, ຊຶ່ງຈະເຮັດໃຫ້ ອາກາດຈະເຢັນລົງ 1 ຫາ 2 ອົງສາ ພ້ອມມີລົມພັດແຮງ ຢູ່ໃນແຕ່ລະພາກ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ ແຂວງພາກໃຕ້.
