Vientiane Times Lao
ກອງປະຊຸມວິຊາການເພື່ອປຶກສາຫາລືກ່ຽວກັບດ້ານວິຊາການເພື່ອ ປັບປຸງຂະແໜງໄຟຟ້າຂອງລາວຈະຈັດຂຶ້ນ 2 ວັນທີ່ແຂວງຈໍາປາສັກ

ກອງປະຊຸມວິຊາການເພື່ອປຶກສາຫາລືກ່ຽວກັບດ້ານວິຊາການເພື່ອ ປັບປຸງຂະແໜງໄຟຟ້າຂອງລາວຈະຈັດຂຶ້ນ 2 ວັນທີ່ແຂວງຈໍາປາສັກ

ທ່ານ ດຣ ບຸນມີ ພອນສະຫວັນ ອະທິການບໍດີ ມະຫາວິທະຍາໄລ ຈໍາປາສັກ ແຈ້ງໃຫ້ຮູ້ເມື່ອບໍ່ດົນມານີ້ວ່າ: ມະຫາວທະຍາໄລຈຳປາສັກ ແລະ ບໍລິສັດ EXP-LAPEE ຈະຮ່ວມກັນເປັນເຈົ້າພາບຈັດກອງປະຊຸມວິຊາການເພື່ອປຶກສາຫາລືກ່ຽວກັບ ແລະ ສະເໝີແນວຄວາມຄິດທາງດ້ານວິຊາການເພື່ອປັບປຸງຂະແໜງໄຟຟ້າຂອງລາວ ໃນລະຫວ່າງວັນທີ 1-2 ມີນາ 2021 ທີ່ຈະມາເຖິງນີ້ທີ່ຫໍປະຊຸມມະຫາວິທະຍາໄລ, ນະຄອນປາກເຊ ແຂວງຈໍາປາສັກ.
ກອງປະຊຸມດັ່ງກ່າວຈັດຂຶ້ນທ່າມກາງຄວາມຄາດຫວັງຂອງລັດຖະບານທີ່ຢາກໃຫ້ນັກວິຊາການ ແລະ ນັກຄົ້ນຄວ້າຈະປະກອບສ່ວນຫຼາຍຂຶ້ນເຂົ້າໃນການພັດທະນາເສດຖະກິດ – ສັງຄົມໂດຍສະເພາະຂະແໜງພະລັງງານໃນຊຸມປີຕໍ່ໜ້າ.
 ກອງປະຊຸມດັ່ງກ່າວຈະເປັນເວທີ ສຳລັບນັກວິຊາການ, ນັກຄົ້ນຄວ້າ ແລະ ຜູ້ສ້າງນະໂຍບາຍເພື່ອປຶກສາຫາລື ແລະ ນຳສະເໜີ ມາດຕະການຕ່າງໆເພື່ອປັບປຸງຂະແໜງໄຟຟ້າລາວ. ນອກຈາກນີ້, ເວທີດັ່ງກ່າວນີ້ຈະເປັນການເປີດໂອກາດໃຫ້ນັກຄົ້ນຄວ້າ, ນັກທຸລະກິດ, ນັກພັດທະນາໂຄງການ ແລະ ອາຈານສອນມະຫາວິທະຍາໄລໄດ້ຮຽນຮູ້ກ່ຽວກັບນະໂຍບາຍການພັດທະນາພະລັງງານຂອງລັດຖະບານ, ການຄົ້ນຄວ້າວິໄຈອັນໃໝ່ ກ່ຽວກັບການພັດທະນາພະລັງງານ, ໂອກາດ ແລະ ສິ່ງທ້າທາຍໃນການພັດທະນາພະລັງງານ ແລະ ການລົງທືນໃນຂະແໜງດັ່ງກ່າວ.
ທ່ານໃດທີ່ມີຄວາມຕ້ອງການເຂົ້າຮ່ວມກອງປະຊຸມດັ່ງກ່າວສາມາດໂທສອບຖາມໄດ້ທີ່ເບີ 020-55363668 ຫຼື ສົ່ງອີເມວ bounthanh11@gmail.com ກ່ອນວັນທີ 25 ກຸມພາ. ຄ່າລົງທະບຽນເຂົ້າຮຽນແມ່ນ 200.000 ກີບ ສຳລັບຄົນລາວ ແລະ ຄົນຕ່າງປະເທດ 1 ລ້ານກີບ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ