Vientiane Times Lao
ລັດຈະປະຕິຮູບ ໂຄງສ້າງເສດຖະກິດໃໝ່ ໃນແຕ່ລະຂະແໜງການ ແລະ ທ້ອງຖິ່ນ

ລັດຈະປະຕິຮູບ ໂຄງສ້າງເສດຖະກິດໃໝ່ ໃນແຕ່ລະຂະແໜງການ ແລະ ທ້ອງຖິ່ນ

ສະຫາຍ ທອງລຸນ ສີສຸລິດ ກຳມະການກົມການ ເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ ໄດ້​ລາຍ​ງານທີ່ກອງປະຊຸມໃຫຍ່ຜູ້ແທນທົ່ວປະ ເທດ ຄັ້ງທີ XI ຂອງພັກປະຊາຊົນ ປະຕິວັດລາວ ເມື່ອ​ວັນ​ທີ 13 ມັງ​ກອນ 2021 ທີ່​ຫໍ​ປະ​ຊຸມ​ແຫ່ງ​ຊາດ ນະ​ຄອນ​ຫຼວງວຽງ​ຈັນ​​ກ່ຽວກັບວຽກງານລວມໃນຕໍ່ໜ້າໂດຍມີເນື້ອໃນບາງຕອນທີ່ສໍາຄັນວ່າ: ສຳ​ລັບ​ຈຸດ​ໝາຍ​ລ​ວມໃນ 5 ປີຕໍ່ໜ້າ, ລັດຖະບານຈະສ້າງການເຕີບໂຕເສດຖະກິດທີ່ມີຄຸນນະພາບ ດ້ວຍການ ປະຕິຮູບໂຄງສ້າງເສດຖະກິດໃໝ່ ໃນແຕ່ລະຂະແໜງການ ແລະ ທ້ອງຖິ່ນ, ແກ້ໄຂບັນຫາຄວາມຫຍຸ້ງຍາກດ້ານການເງິນ-ເງິນຕາ ຢ່າງມີປະສິດທິພາບ, ສືບຕໍ່ນໍາພາປະເທດຊາດອອກຈາກສະຖາ ນະພາບດ້ອຍພັດທະນາ, ປະຊາຊົນມີວຽກເຮັດງານທໍາ, ຊີວິດການເປັນຢູ່ໄດ້ຮັບການປັບປຸງດີຂຶ້ນ, ສັງຄົມມີຄວາມເປັນລະບຽບຮຽບຮ້ອຍ, ປະຕິບັດເປົ້າໝາຍການພັດທະນາແບບຍືນຍົງ 2030 ແລະ ຜັນຂະຫຍາຍຍຸດທະສາດການເຕີບໂຕສີຂຽວແຫ່ງຊາດ ໃຫ້ມີປະສິດທິຜົນ, ບຸກທະລຸແກ້ໄຂຈຸດອ່ອນຂໍ້ຄົງ ຄ້າງ, ອຸປະສັກຕ່າງໆ ໃນການພັດທະນາໃນໄລຍະຜ່ານມາ ບວກກັບສິ່ງທ້າທາຍທີ່ເກີດຂຶ້ນໃນໄລຍະໃໝ່ເຊັ່ນ: ຜົນກະທົບມາຈາກພະຍາດໂຄວິດ-19, ການປ່ຽນແປງດິນຟ້າອາກາດ, ສົງຄາມການຄ້າ ແລະ ສະພາບທີ່ບໍ່ແນ່ນອນຂອງສາກົນ ແລະ ຂົງເຂດ, ເສີມຂະຫຍາຍປັດໄຈ ແລະ ທ່າແຮງບົ່ມຊ້ອນຂອງຊາດ ໂດຍນໍາໃຊ້ເຕັກໂນໂລຊີການສື່ສານຂໍ້ມູນຂ່າວສານທີ່ເໝາະສົມ ເພື່ອໃຫ້ກາຍເປັນຂະແໜງການຜະລິດ ແລະ ບໍລິການທີ່ເປັນປາຍແຫຼມ, ເປັນຫົວຈັກ ໃຫ້ແກ່ການເຕີບໂຕ ເພື່ອສ້າງພື້ນຖານໃຫ້ແກ່ຄວາມເຂັ້ມແຂງ ແລະ ເປັນເຈົ້າຕົນເອງເພິ່ງຕົນເອງທາງດ້ານເສດຖະກິດເປັນກ້າວໆ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ