Vientiane Times Lao
ລັດຖະບານລາວສືບຕໍ່ມາດຕະການປ້ອງກັນພະຍາດໂຄວິດ-19 ອີກ 15 ວັນ

ລັດຖະບານລາວສືບຕໍ່ມາດຕະການປ້ອງກັນພະຍາດໂຄວິດ-19 ອີກ 15 ວັນ

ການຕິດເຊື້ອພະຍາດໂຄວິດ-19 ພາຍໃນທີ່ເພີ່ມຂຶ້ນຍ້ອນມີບາງກຸ່ມຄົນທີ່ຍັງລະເມີດ, ລະເຫຼິງບໍ່ປະຕິບັດມາດຕະການ ແລະ ລະບຽບການຕ່າງໆທີ່ທາງລັດຖະບານ ແລະ ຄະນະສະເພາະກິດວາງອອກເປັນສາເຫດໜຶ່ງທີ່ລັດຖະບານຈໍາເປັນຕ້ອງສືບຕໍ່ມາດຕະການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຈາກພະຍາດດັ່ງກ່າວອີກ 15 ວັນນັບແຕ່ວັນທີ 16-30 ຕຸລານີ້ ເຖິງແມ່ນວ່າການສືບຕໍ່ມາດຕະການດັ່ງກ່າວນັ້ນຈະສົ່ງຜົນກະທົບຕໍ່ເສດຖະກິດ ແລະ ການດໍາລົງຊີວິດຂອງປະຊາຊົນແຕ່ລະທ້ອງຖິ່ນກໍຕາມແຕ່ກໍຈໍາເປັນເພື່ອປົກປ້ອງຊີວິດຂອງປະຊາຊົນຈາກພະຍາດຮ້າຍແຮງ.

ສະເພາະມາດຕະການລວມໃນໄລຍະ 15 ວັນຕໍ່ໜ້າແມ່ນສືບຕໍ່ສຸມການສັກວັກຊິນໃຫ້ເປົ້າໝາຍຕ່າງໆ ຕາມແຜນການ ແລະ ຄາດໝາຍທີ່ໄດ້ວາງໄວ້ ດ້ວຍການກຳນົດແຜນອັນລະອຽດ, ມີແຜນຕິດຕາມທີ່ເປັນລະບົບ, ຄົບຊຸດ ແລະ ດຳເນີນໃຫ້ໄວຂຶ້ນກວ່າເກົ່າ; ສືບຕໍ່ຊອກຫາຜູ້ຕິດເຊື້ອມາປິ່ນປົວ ແລະ ນຳເອົາຜູ້ສຳຜັດໃກ້ຊິດກັບຜູ້ຕິດເຊື້ອ ມາກວດຫາເຊື້ອ ແລະ ຈຳກັດບໍ ລິເວນ ໃນສະຖານທີ່ຕ່າງໆ ທີ່ກະກຽມໄວ້ ໃຫ້ຖືກຕ້ອງຕາມຫຼັກວິຊາການ, ສືບຕໍ່ປິດດ່ານສາກົນ, ດ່ານທ້ອງຖິ່ນ ແລະ ດ່ານປະເພນີ ທາງບົກ ແລະ ທາງນໍ້າ ສໍາລັບບຸກຄົນທົ່ວໄປ, ຍົກເວັ້ນຜູ້ທີ່ໄດ້ຮັບອະນຸຍາດຈາກຄະນະສະເພາະກິດ ຂັ້ນສູນກາງ, ສືບຕໍ່ໂຈະການອອກວີຊາທ່ອງທ່ຽວ ແລະ ການມາຢ້ຽມຢາມຕ່າງໆຢູ່ ສປປ ລາວ ໃຫ້ແກ່ຄົນຕ່າງ ປະເທດ. ສໍາລັບນັກການທູດ, ພະນັກງານອົງການຈັດຕັ້ງສາກົນ, ຊ່ຽວຊານ, ນັກລົງທຶນ ທີ່ມີຄວາມຈຳເປັນ ເພື່ອເຂົ້າມາປະຕິບັດວຽກງານຢູ່ສະຖານທູດ, ບັນດາກິດຈະການ ແລະ ໂຄງການຕ່າງໆທີ່ເປັນບູລິມະສິດ ແມ່ນຕ້ອງໄດ້ຮັບອະນຸຍາດຈາກຄະນະສະເພາະກິດ ແລະ ປະຕິບັດຕາມມາດຕະການປ້ອງກັນການຕິດເຊື້ອ ແລະ ແຜ່ເຊື້ອຢ່າງເຂັ້ມງວດ. ສ່ວນການຈຳກັດບໍລິເວນ ແມ່ນອະນຸຍາດ ໃຫ້ຂັ້ນເອກອັກຄະລັດຖະທູດ ແລະ ຫົວໜ້າອົງການຈັດຕັ້ງສາກົນ ນຳໃຊ້ທີ່ພັກຂອງຕົນເອງໄດ້, ສ່ວນຂັ້ນ ຖັດລົງມາແມ່ນຕ້ອງໄດ້ຈຳກັດບໍລິເວນຢູ່ໂຮງແຮມ ທີ່ຄະນະສະເພາະກິດ ກຳນົດໄວ້ເທົ່ານັ້ນ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ