ເປັນເວລາ 4 ວັນຕິດຕໍ່ກັນແລ້ວ, ນັບແຕ່ວັນທີ 17-20 ກໍລະກົດ 2021 ນີ້ທີ່ປະເທດລາວກວດພົບຜູ້ຕິດເຊື້ອພະຍາດໂຄວິດ-19 ຫຼາຍກວ່າ 100 ຄົນໃນແຕ່ລະວັນ ໂດຍສະເພາະແມ່ນກວດພົບຈາກແຮງງານນໍາເຂົ້າຢູ່ ແຂວງຈໍາປາສັກ, ສະຫວັນນະເຂດ ແລະ ແຂວງສາລະວັນ ດັ່ງນັ້ນເພື່ອກຽມຄວາມພ້ອມຮັບມືກັບຜູ້ຕິດເຊື້ອ ແລະ ການແຜ່ລະບາດຂອງພະຍາດໂຄວິດ-19, ລັດຖະບານລາວໄດ້ສະເໜີໃຫ້ອໍານາດການປົກຄອງບັນດາແຂວງພາກກາງ ແລະ ພາກໃຕ້ ຄົ້ນຄົ້ວາເພີ່ມສູນຈໍາກັດບໍລິເວນ, ໂຮງໝໍພາກສະໜາມ, ລະດົມບຸກຄະລາກອນການແພດ, ອຸປະກອນການເເພດ ແລະ ສະຖານທີ່ປິ່ນປົວຜູ້ຕິດເຊື້ອໃຫ້ພຽງພໍຮອງຮັບກັບເຫດການສະເພາະໜ້າ.
ສະເພາະວັກຊິນຊະນິດ ຈອນສັນ ແອນ ຈອນສັນ (johnson&johnson) ຈຳນວນ 1.008.000 ໂດສທີ່ໄດ້ຮັບການຊ່ວຍເຫຼືອຈາກໂຄງການ COVAX ນັ້ນລັດຖະບານຈະເລີ່ມແຈກຢາຍໃຫ້ນະຄອນຫຼວງ ແລະ 17 ແຂວງໃນຂອບເຂດທົ່ວປະເທດໃນໄວໆນີ້ຊຶ່ງ ການແບ່ງປັນວັກຊິນດັ່ງກ່າວນີ້ແຂວງໃດຈະໄດ້ຫຼາຍ ຫຼື ໜ້ອຍນັ້ນ ຂຶ້ນກັບການປະເມີນແຂວງໃດມີຄວາມສ່ຽງ ແລະ ຈໍານວນປະຊາກອນ ໂດຍຈະມີການເລີ່ມສັກໃນອາທິດໜ້ານີ້ ຊຶ່ງວັກ ຊິນຊະນິດດັ່ງກ່າວນີ້ ສັກພຽງເຂັມດຽວເທົ່ານັ້ນກໍ່ສາມາດສ້າງພູມຕ້ານທານປ້ອງກັນພະຍາດດັ່ງກ່າວ ໄດ້ແລ້ວຊຶ່ງຕ່າງຈາກວັກຊິນຊະນິດອື່ນທີ່ສັກ 2 ເຂັມ.
ຂ່າວ: ວຽງຈັນທາຍ
