Vientiane Times Lao
ລາຍຮັບຕົ້ນຕໍຂອງແຂວງອັດຕະປື ແມ່ນການສົ່ງອອກກະແສໄຟຟ້າ

ລາຍຮັບຕົ້ນຕໍຂອງແຂວງອັດຕະປື ແມ່ນການສົ່ງອອກກະແສໄຟຟ້າ

ທ່ານ ເລັດ ໄຊຍະພອນ ເຈົ້າແຂວງອັດຕະປື ໄດ້ລາຍງານຢູ່ກອງປະຊຸມສະໄໝສາມັນເທື່ອທີ X ຂອງສະພາປະຊາຊົນແຂວງອັດຕະປື ຊຸດທີ 1 ທີ່ໄດ້ຈັດຂຶ້ນເມື່ອບໍ່ດົນມານີ້ວ່າ: ຄາດວ່າສະເພາະປີ 2021 ມູນຄ່າການສົ່ງອອກ ສິນຄ້າພາຍໃນແຂວງຈະບັນລຸ 117 ລ້ານໂດລາ ຊຶ່ງສິນຄ້າສ່ວນໃຫຍ່ທີ່ສົ່ງອອກ ແມ່ນກະແສໄຟຟ້າ, ຜະລິດຕະພັນໄມ້, ນໍ້າຕານຊາຍ, ຢາງພາລາ, ມັນຕົ້ນ.

ມູນຄ່າການສົ່ງອອກທີ່ຄາດໄວ້ 117 ລ້ານໂດລາ ນັ້ນແມ່ນຈະໄດ້ຈາກການສົ່ງອອກກະແສໄຟຟ້າ 70 ລ້ານໂດລາ, ຜະລິດຕະພັນໄມ້ 11 ລ້ານໂດລາ, ນໍ້າຕານຊາຍ 13 ລ້ານໂດລາ, ຢາງພາລາ 16 ລ້ານໂດລາ, ສິນຄ້າກະສິກໍາ 7 ລ້ານໂດລາ.

ສ່ວນມູນຄ່າການນໍາເຂົ້າຄາດວ່າຈະບໍ່ໃຫ້ເກີນ 4 ລ້ານໂດລາ ຊຶ່ງສິນຄ້າທີ່ຈະນໍາເຂົ້າຕົ້ນຕໍ ແມ່ນພາຫະນະຮັບໃຊ້ການຜະລິດ, ກົນຈັກ, ອຸປະກອນ ແລະ ອື່ນໆ.

ຂ່າວ: ວັດທະນາ

ພາບປະກອບ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ