Vientiane Times Lao
ລາວພັດທະນາໂຄງການຜະລິດພະລັງງານສະອາດ

ລາວພັດທະນາໂຄງການຜະລິດພະລັງງານສະອາດ

ລັດຖະບານລາວ ຮ່ວມກັບ ບໍລິສັດ Hangzhou Safefound Technology Co.,Ltd ຈາກປະເທດຈີນ ແລະ ບໍລິສັດ ລາວ-ພີພີເອ ທື່ປຶກສາ ແລະ ກວດສອບບັນຊີຈຳກັດໄດ້ເຊັນສັນຍາພັດທະນາໂຄງການໄຟຟ້າແສງຕາເວັນເທິງໜ້ານໍ້າ ເຂື່ອນນ້ຳງື່ມ 1 ເຊິ່ງມີກຳລັງຕິດຕັ້ງ 1.200 ເມັກກາວັດ (MW).

ໂຄງການດັ່ງກ່າວແມ່ນຕັ້ງຢູ່ເຂດບ້ານໂພນສະຫວາດ ເມືອງລ້ອງຊານ ແຂວງໄຊສົມບູນ ກວມເນື້ອທີ 1.500 ເຮັກຕາ.

ພິທີເຊັນສັນຍາດັ່ງກ່າວແມ່ນຈັດຂຶ້ນທີ່ນະຄອນ ຫຼວງວຽງຈັນ ໃນວັນທີ 19 ກຸມພາ, ໃນໂຄງການນີ້ລັດຖະບານລາວແມ່ນຖືຫຸ້ນ 20 ເປີເຊັນ ແລະ ພາກສ່ວນເອກະຊົນຖືຫຸ້ນ 80 ເປີເຊັນ, ເຊິ່ງມີໄລຍະເວລາສຳປະທານ 25 ປີ. ໄລຍະທີ 1 ຈະເລີ່ມກໍ່ສ້າງໃນທ້າຍປີ 2020-2023 ແລະ ໄລຍະທີ 2 ຈະເລີ່ມແຕ່ປີ 2023-2026.

ໂດຍອີງຕາມແຜນພັດທະນາ ໂຄງການພະລັງງານ ແສງຕາເວັນເທິງໜ້າເຂື່ອນນ້ຳງື່ມ 1 ຈະສາມາດ ຜະລິດໄຟຟ້າໄດ້ 300 MW ໃນທ້າຍປີນີ້ຈົນເຖິງປີ 2023 ແລະ ກຳລັງການຜະລິດໄຟຟ້າ 37.852,86 ກິກະວັດໂມງ (GWh).

ຂ່າວ: ສຸກສະໄຫມ

ພາບ: ສຸກສະໄຫມ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ