Visit BigblueAgency
ລາວໄດ້ຮັບການຊ່ວຍເຫຼືອວັກຊິນຕ້ານພະຍາດໂຄວິດ-19 ແລ້ວ ຫຼາຍກວ່າ 5 ລ້ານໂດສ໌

ລາວໄດ້ຮັບການຊ່ວຍເຫຼືອວັກຊິນຕ້ານພະຍາດໂຄວິດ-19 ແລ້ວ ຫຼາຍກວ່າ 5 ລ້ານໂດສ໌

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ແຈ້ງໃຫ້ຮູ້ວ່າ:​ ວັກຊິນເພື່ອສ້າງພູມຕ້ານທານເພື່ອປ້ອງກັນພະຍາດໂຄວິດ-19 ຢູ່ລາວ ປະກອບມີ 5 ຊະນິດ ຄື: ສະປຸກນິກ (Sputnik), ຊີໂນຟາມ (Sinopharm), ແອັດຕຣາ ເຊເນກາ (AstraZeneca), ຟາຍເຊີ (Pfizer) ແລະ ຈອນສັນ ແອນ ຈອນສັນ (Johnson & Johnson) ຊຶ່ງວັກຊິນ 5 ຊະນິດດັ່ງກ່າວມີຄຸນນະພາບໃນການປ້ອງກັນພະຍາດດັ່ງກ່າວເທົ່າທຽມກັນ ໂດຍສັງລວມແລ້ວຮອດວັນທີ 10 ສິງຫາ 2021 ນີ້ລາວໄດ້ຮັບການຊ່ວຍເຫຼືອວັກຊິນດັ່ງກ່າວແລ້ວຫຼາຍກວ່າ 5 ລ້ານໂດສ໌ ຈາກປະເທດເພື່ອນມິດເຊັ່ນ: ສປ ຈີນ, ຍີ່ປຸ່ນ, ຣັດເຊຍ, ອິນເດຍ, ສະຫະລັດອາເມຣິກາ, ອັງກິດ ແລະ ຈາກໂຄງການ COVAX Facility.

ຄະນະສະເພາະກິດແຈ້ງໃຫ້ຮູ້ຕື່ມວ່າ: ສະເພາະການສັກຢາວັກຊິນ ຕ້ານພະຍາດດັ່ງກ່າວໃນຂອບເຂດທົ່ວປະເທດ ປະຊາຊົນໄດ້ຮັບການສັກເຂັມທີ 1 ແລ້ວຫຼາຍກວ່າ 1,3 ລ້ານຄົນ ແລະ ເຂັມທີ 2 ແລ້ວຫຼາຍກວ່າ 1,2 ລ້ານຄົນ ໂດຍຕາມແຜນຂອງລັດຖະບານແລ້ວໝົດປີ 2021 ນີ້ຈະສັກວັກຊິນໃຫ້ປະຊາຊົນໃຫ້ໄດ້ 50% ຂອງພົນລະເມືອງລາວໃນຂອບເຂດທົ່ວປະເທດ ຫຼື ໃຫ້ໄດ້ຫຼາຍກວ່າ 3,5 ລ້ານຄົນ.

Related Articles

Leave a Reply