Vientiane Times Lao
ລາວ ຈະມີລາຍຮັບ 340 ລ້ານໂດລາຈາກນັກທ່ອງທ່ຽວຕ່າງປະເທດໃນປີນີ້

ລາວ ຈະມີລາຍຮັບ 340 ລ້ານໂດລາຈາກນັກທ່ອງທ່ຽວຕ່າງປະເທດໃນປີນີ້

ໃນປີ 2023ສປປລາວໄດ້ວາງຄາດໝາຍດຶງດູດນັກທ່ອງທ່ຽວຕ່າງປະເທດ ໃຫ້ໄດ້ປະມານ 1,4 ລ້ານເທື່ອຄົນ ແລະ

ສ້າງລາຍຮັບໃຫ້ໄດ້ 340 ລ້ານໂດລາ. ສະເພາະນັກທ່ອງທ່ຽວພາຍໃນ “ລາວທ່ຽວລາວ”

ໃຫ້ໄດ້ 1,2 ລ້ານເທື່ອຄົນ  ແລະ ສ້າງລາຍຮັບໃຫ້ໄດ້ 1,3 ຕື້ກີບຊຶ່ງຂໍ້ມູນດັ່ງກ່າວນີ້ ທ່ານ ວັນສີ ກົວມົວ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ລາຍງານທີ່ກອງປະຊຸມສະຫຼຸບວຽກງານ ຖວທ ທົ່ວປະເທດ ປະຈຳປີ 2022 ແລະ ວາງທິດທາງແຜນການປີ 2023 ທີ່ໄດ້ຈັດຂຶ້ນເມື່ອວັນທີ 23 ມັງກອນ 2023 ທີ່ຜ່ານມານີ້ຢູ່ຫໍວັດທະນະທຳແຫ່ງຊາດ ໂດຍການເປັນປະທານຂອງ ທ່ານ ນາງ ສວນສະຫວັນ ວິຍາເກດ ລັດຖະມົນຕີ ກະຊວງຖວທ.

ທ່ານ ວັນສີ ໄດ້ລາຍງານຕື່ມວ່າ: ກະຊວງ ຖວທຈະສູ້ຊົນປັບປຸງແຜນຍຸດທະສາດການທ່ອງທ່ຽວແບບ ອະນຸລັກ ຂອງສປປ ລາວສໍາລັບປີ 2023-2030 ໃຫ້ສໍາເລັດ ແລະ ສົມທົບກັບພາກສ່ວນກ່ຽວ ຂ້ອງຂັ້ນສູນກາງ ແລະ ທ້ອງຖິ່ນໃນການວາງແຜນພັດທະນາການທ່ອງທ່ຽວ ແລະ ສຳຫຼວດ, ຈັດສັນກໍານົດຂອບເຂດ, ປັກຫຼັກໝາຍ ແລະອອກໃບຢັ້ງຢືນຂອບເຂດແຫຼ່ງທ່ອງທ່ຽວໃຫ້ໄດ້ 5 ແຫ່ງ; ສູ້ຊົນປັບປຸງບັນດາເມືອງທ່ອງທ່ຽວໃຫ້ໄດ້ມາດຕະຖານເມືອງທ່ອງທ່ຽວສະອາດອາຊຽນໃຫ້ໄດ້

3 ແຫ່ງ. ນອກຈາກນີ້, ຈະພ້ອມກັນສູ້ຊົນປັບປຸງຄຸນນະພາບເຮືອນພັກແຮມປະຊາຊົນ

ແລະ ການທ່ອງທ່ຽວ ແບບປະຊາຊົນມີສ່ວນຮ່ວມ ໃຫ້ໄດ້ມາດຕະຖານ ສປປ ລາວ ແລະ ມາດຕະຖານອາຊຽນໃຫ້ໄດ້ 2 ແຫ່ງເພື່ອກະກຽມສະເໜີຮັບລາງວັນ ມາດຕະຖານລະດັບອາຊຽນ.

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ