Vientiane Times Lao
ລາວ-ຫວຽດນາມລົງນາມເອກະສານຮ່ວມມື 8 ສະບັບ

ລາວ-ຫວຽດນາມລົງນາມເອກະສານຮ່ວມມື 8 ສະບັບ

ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະໄດ້ເດີນໄປຢຽ້ມຢາມ ສາທາລະນະລັດ ສັງຄົມນິຍົມຫວຽດນາມ ຕາມການເຊື້ອເຊີນ ຂອງ ທ່ານ ຫງວຽນ ຊັວນ ຟຸກ ນາຍົກລັດ ຖະມົນຕີ ສສ ຫວຽດນາມ ໃນລະຫວ່າງ ວັນທີ 01 – 03 ຕຸລາ 2019.
ໃນໄລຍະການຢ້ຽມຢາມ, ທ່ານທອງລຸນ ສີສຸລິດ ແລະ ຄະນະໄດ້ເຂົ້າຮ່ວມພິທີຕ້ອນ ຮັບຢ່າງເປັນທາງການ, ໄດ້ພົບປະສອງຝ່າຍ ແລະ ເຂົ້າຮ່ວມງານລ້ຽງຕ້ອນຮັບ ຊຶ່ງເປັນ ກຽດຈັດໂດຍ ທ່ານ ຫງວຽນ ຊັວນ ຟຸກ, ນອກນັ້ນ ທ່ານທອງລຸນ ແລະ ຄະນະຍັງໄດ້ ເຂົ້າຢ້ຽມຄໍານັບ ເລຂາທິການໃຫຍ່, ປະທານ ປະເທດ ແຫ່ງ ສສ ຫວຽດນາມ ທ່ານ ຫງວຽນ ຝູ້ ຈ໋ອງ, ໄດ້ພົບປະກັບ ປະທານ ສະພາແຫ່ງຊາດ ຂອງ ສສ ຫວຽດນາມ ທ່ານ ຫງວຽນ ທິ ກິມ ເງິນ, ນອກນັ້ນ ທ່ານ ທອງລຸນ ຍັງໄດ້ວາງພວງມະລາ ຢູ່ສຸສານ ປະທານ ໂຮ່ຈີມິນ ແລະ ອານຸສອນສະຖານ ນັກຮົບວິລະຊົນ, ໄດ້ໄປຢ້ຽມຢາມ ແລະ ເຮັດວຽກ ຢູ່ບັນດາພື້ນຖານເສດຖະກິດ ແລະ ວັດທະນະທຳ ຈຳນວນໜຶ່ງ ທີ່ນະ ຄອນດາໜັງ.

ນອກນັ້ນ ນາຍົກລັດຖະມົນຕີທັງສອງປະ ເທດຍັງໄດ້ເປັນສັກຂີພະຍານໃນພິທີລົງນາມ ແລະ ມອບຮັບເອກະສານຮ່ວມມື ຈຳນວນ 8 ສະບັບ ປະກອບມີອະນຸສັນຍາວ່າດ້ວຍການ ດັດແກ້ສັນຍາ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ວ່າດ້ວຍ ໂຄງການກໍ່ສ້າງຫໍສະ ພາແຫ່ງຊາດລາວ, ຂໍ້ຕົກລົງ ລະຫວ່າງ ກະຊວງແຜນການ ແລະ ການລົງທຶນ ລາວ ແລະ ກະຊວງແຜນການ ແລະ ການລົງທຶນ ຫວຽດນາມ ວ່າດ້ວຍການສ້າງຍຸດທະສາດ ການຮ່ວມມື ເສດຖະກິດ, ວັດທະນະທຳ, ສຶກສາ, ວິທະຍາສາດ ເຕັກໂນໂລຊີ ລະຫວ່າງ ລາວ – ຫວຽດນາມ ໄລຍະ 2021 – 2030 ແລະ ສັນຍາວ່າດ້ວຍການຮ່ວມມື ໄລຍະ 5 ປີ (2021-2025), ບົດບັນທຶກຄວາມ ເຂົ້າໃຈ ລະຫວ່າງ ກະຊວງການເງິນ ແຫ່ງ ສປປ ລາວ ແລະ ກະຊວງການເງິນ ແຫ່ງ ສສ ຫວຽດນາມ ກ່ຽວກັບການສະໜອງເງິນກູ້ ໃຫ້ໂຄງການລົງທຶນກໍ່ສ້າງເສັ້ນທາງ ແຕ່ພູ ທິດເຜີ້ງ, ແຂວງຫຼວງພະບາງ ຫາ ຊາຍແດນ ນາຊອນ ໃຫ້ເມືອງ ດ້ຽນບຽນດົງ, ແຂວງ ດ້ຽນບຽນ, ຫວຽດນາມ, ບົດບັນທຶກ ຄວາມເຂົ້າໃຈ ລະຫວ່າງ ທະນາຄານແຫ່ງ ສປປ ລາວ ແລະ ທະນາຄານ ແຫ່ງຊາດ ຫວຽດນາມ ວ່າດ້ວຍການຮ່ວມມືເຄື່ອນ ໄຫວຈຸດສຸມດ້ານທະນາຄານ ໄລຍະ 2019 – 2024, ແຜນການ ສ້າງແຜນຮ່ວມມື ລາວ-ຫວຽດນາມ ໃນຂົງເຂດການສຶກສາ ແລະ ພັດທະນາຊັບພະຍາກອນມະນຸດ ໄລຍະ 2021-2030 ລະຫວ່າງ ກະຊວງ ສຶກສາທິການ ແລະ ກິລາ ລາວ ແລະ ກະຊວງສຶກສາ ແລະ ກໍ່ສ້າງ ຫວຽດນາມ, ບົດບັນທຶກຄວາມເຂົ້າໃຈ ລະຫວ່າງ ກະຊວງພະລັງງານ ແລະ ບໍ່ແຮ່ ຂອງ ລາວ ແລະ ກະຊວງອຸດສາຫະ ກຳການຄ້າ ຫວຽດນາມ ວ່າດ້ວຍການຮ່ວມມືຊຸກຍູ້ ຊື້-ຂາຍ ໄຟ ພະລັງງານລົມ, ມອບຮັບໃບ ຢັ້ງຢືນນຳເຂົ້້າໄຟຟ້າຈາກ ເຂື່ອນ ນໍ້າກົງ 2,3 ນໍ້າອີມູນ ແລະ ນໍ້າອາງ ຂອງບໍລິສັດ ຈະເລີນ ເຊກອງ ລາວ ແລະ ບໍລິສັດຫຸ້ນ ສ່ວນໂຊງດາ 5 ຫວຽດນາມ ແລະ ສຸດທ້າຍ ແມ່ນບົດບັນ ທຶກຄວາມເຂົ້າໃຈ ລະຫວ່າງ ກະຊວງໂຍທາ ທິການ ແລະ ຂົນສົ່ງ ລາວ ແລະ ບໍລິສັດ ຫຸ້ນສ່ວນເດີນອາ ກາດຫວຽດແຈັດ (Viet Jet) ວ່າດ້ວຍການ ຮ່ວມມືພັດທະນາການ ບິນພົນລະເຮືອນ.

Related Articles

Leave a Reply