Vientiane Times Lao
ລົງທຶນຜ່ານປະຕູດຽວ ແຕ່ຍັງບໍ່ເປັນປະຕູດຽວ

ລົງທຶນຜ່ານປະຕູດຽວ ແຕ່ຍັງບໍ່ເປັນປະຕູດຽວ

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຍົກໃຫ້ເຫັ ບາງບັນຫາໃນໂອກາດຊີ້ແຈງຕໍ່ສະມາຊິກສະພາແຫ່ງຊາດ ຫ່ວາງບໍ່ດົນມານີ້ ຢູ່ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ VIII  ວ່າ: ຜ່ານມາພາຍໃນປະເທດ ໄດ້ຮັບຜົນກະທົບຫຼາຍດ້ານ ອັນໄດ້ສົ່ງຜົນກະທົບເຮັດໃຫ້ການ ຂະຫຍາຍຕົວເສດຖະກິດຂອງປະເທດເຮົາບໍ່ໄດ້ຕາມເປົ້າໝາຍທີ່ວາງໄວ້, ສະນັ້ນເຮັດແນວໃດ ໃນປີ 2020 ຈະພະຍາຍາມເຮັດ ໃຫ້ບັນລຸເປົ້າໝາຍ, ສະມັດຖະພາບຂອງການຜະລິດກະສິກຳ ບໍ່ທັນສູງ, ການປັບປຸງລັດວິສາຫະກິດບໍ່ທັນໄປທັນມາຕາມແຜນການທີ່ວາງ ໄວ້ ເຖິງແມ່ນວ່າໄດ້ແຕ່ງຕັ້ງຄະນະກຳມະການຮັບຜິດຊອບ ແລະ ດຳເນີນມາແລ້ວກໍ່ຕາມ ແຕ່ອັນນີ້ບໍ່ໄດ້ງ່າຍປານໃດ ພວກເຮົາຕ້ອງ ໄດ້ຕັດສິນໃຈສູ້ຊົນຮ່ວມກັນເພື່ອແກ້ໄຂບັນດາບັນຫາທີ່ລັດວິສາ ຫະກິດບໍ່ທັນໄດ້ປັງປຸງປ່ຽນແປງນັ້ນ. ການແກ້ໄຂບັນຫາສະພາບແວດລ້ອມ ຂັ້ນຂອດການລົງທຶນເຮັດ ທຸລະກິດຕ່າງໆນັ້ນຖືກກຳນົດວາງຄາດໝາຍເອົາໄວ້ວ່າຕ້ອງມີຕົວຊີ້ວັດສະເພາະ 2 ຕົວເລກເທົ່ານັ້ນ ແຕ່ວ່າດຽວນີ້ຍັງມີ 3 ຕົວເລກ ຄືເກົ່າ. ບັນຫາແມ່ນເກີດຈາກພວກເຮົາໄດ້ສ້າງກົນໄກຜ່ານປະຕູ ດຽວ ແຕ່ວ່າຍັງບໍ່ເປັນປະຕູດຽວ.  

ທ່ານ ທອງລຸນ ໄດ້ກ່າວຕື່ມວ່າ: ວຽກງານທີ່ຈະສຸມໃສ່ຕື່ມອີກໃນອະນາຄົດເພື່ອເຮັດໃຫ້ເສດຖະ ກິດຂະຫຍາຍຕົວໄປຕາມແຜນ ແມ່ນຕ້ອງໄດ້ເລັ່ງສົ່ງເສີມການຜະລິດພາຍໃນປະເທດໃຫ້ພຽງພໍ ແລະ ມີສ່ວນເຫຼືອເພື່ອສົ່ງອອກ, ຫຼຸດຜ່ອນການນຳເຂົ້າ, ສົ່ງເສີມ ຜະລິດອຸດສາຫະກຳປຸງແຕ່ງ ແລະ ອຸດສາຫະກຳທີ່ມີທ່າແຮງ ເພື່ອສົ່ງອອກ, ແນໃສ່ສ້າງລາຍຮັບເປັນເງິນຕາຕ່າງປະເທດ ໃຫ້ຫຼາຍຂຶ້ນ ລວມທັງສົ່ງເສີມການລົງທຶນໂດຍຜ່ານປະຕູດຽວ ໃຫ້ປະກົດຜົນເປັນຈິງ.

ນອກນັ້ນລັດຖະບານຍັງຈະສຸມໃສ່ພັດທະນາພື້ນຖານໂຄງລ່າງ ເພື່ອເຊື່ອມໂຍງກັບພາກພື້ນໂດຍສະເພາະໂຄງການລົງທຶນລະດັບຊາດ ເປັນຕົ້ນແມ່ນໂຄງການກໍ່ສ້າງທາງລົດໄຟ ລາວ-ຈີນ, ໂຄງການທາງດ່ວນ, ກໍ່ສ້າງເມືອງອັດສາລິຍະ, ພັດທະນາແຫຼ່ງ ທ່ອງທ່ຽວ ແລະ ປັບປຸງລະບົບບໍລິການຂົນສົ່ງ ແລະ ໂຄງລ່າງ ທີ່ຈຳເປັນອື່ນໆ ທີ່ຕິດພັນກັບການຜະລິດກະສິກຳທີ່ສະອາດ ໂດຍເນັ້ນໃສ່ຕາມແລວທາງລົດໄຟ ລາວ-ຈີນ ແລະ ອື່ນໆ.  

ຂ່າວ: ສົມພາວັນ

Related Articles

Leave a Reply