ບໍລິສັດທາງລົດໄຟລາວ-ຈີນ ຈໍາກັດ ໄດ້ເພີ່ມຖ້ຽວລົດໄຟຜູ້ໂດຍສານຜ່ານແດນໄປກັບ ຈາກສິບສອງພັນນາ ສປ ຈີນ ຫາ ນະຄອນຫຼວງພະບາງ ສປປ ລາວ ຈາກ4ມື້ຕໍ່ອາທິດເປັນ6ມື້ຕໍ່ອາທິດ ເພື່ອສົ່ງເສີມການທ່ອງທ່ຽວ ແລະ ອໍານວຍຄວາມສະດວກໃນການເດີນທາງ ໃຫ້ແກ່ຜູ້ໂດຍສານທັງພາຍໃນ ແລະ ຕ່າງປະເທດ, ນັບແຕ່ວັນທີ 29 ຕຸລາ 2024 ເປັນຕົ້ນໄປ.
ຂະບວນລົດໄຟຖ້ຽວ D85/D86 ທີ່ແລ່ນໄປກັບຈາກສິບສອງພັນນາ ສປ ຈີນ ຫາ ນະຄອນຫຼວງພະບາງ ສປປ ລາວ ຈາກປົກກະຕິທີ່ແລ່ນລົດ ຈາກ 4 ມື້ ຕໍ່ອາທິດ ຄື ແຕ່ທຸກວັນສຸກ, ເສົາ, ອາທິດ ແລະ ວັນຈັນ ປ່ຽນມາເປັນແລ່ນລົດ 6 ມື້ຕໍ່ອາທິດ ຄື ທຸກວັນຈັນ,ອັງຄານ, ວັນພະຫັດ, ວັນສຸກ, ວັນເສົາ ແລະ ວັນອາທິດ, ລາຍລະອຽດເວລາເດີນລົດທ່ານສາມາດກວດເບິ່ງຢູ່ແອັບພິເຄຊັນຊື້ປີ້ລົດໄຟ LCR Ticket.
ຂ່າວ: CRI
