Vientiane Times Lao
ວັກຊິນປ້ອງກັນໂຄວິດ-19 ຈໍານວນ 616.820 ໂດສ໌  ທີ່ລັດຖະບານຍີ່ປຸ່ນຊ່ວຍເຫຼືອມາຮອດລາວແລ້ວ

ວັກຊິນປ້ອງກັນໂຄວິດ-19 ຈໍານວນ 616.820 ໂດສ໌ ທີ່ລັດຖະບານຍີ່ປຸ່ນຊ່ວຍເຫຼືອມາຮອດລາວແລ້ວ

ວັກຊິນປ້ອງກັນພະຍາດໂຄວິດ​19   Astra Zeneca/ Oxford COVID-19 ຈໍານວນ 616.820 ໂດສ໌ ທີ່ລັດຖະບານຍີ່ປຸ່ນມອບໃຫ້ແກ່ ສປປ ລາວ ໂດຍຜ່ານ COVAX Facility ໄດ້ມາຮອດລາວແລ້ວໃນຕອນແລງຂອງ ວັນທີ 5 ສິງຫາ 2021 ນີ້. ການທີ່ລາວໄດ້ຮັບການຊ່ວຍເຫຼືອວັກຊິນດັ່ງກ່າວເປັນການຮ່ວມມືກັນລະຫວ່າງອົງການພັນທະມິດ ຮ່ວມມືດ້ານນະວັດຕະກໍາເພື່ອຮັບມືກັບພະຍາດລະບາດ (CEPI), Gavi ຊຶ່ງເປັນ​ພັນທະມິດວັກຊິນ ແລະ ອົງການອະນາໄມໂລກ (WHO), ໂດຍມີອົງການຢູນິເຊັບເປັນຄູ່ຮ່ວມງານສຳຄັນໃນການ ຈັດສົ່ງ. ວັກຊິນຈໍານວນດັ່ງກ່າວຈະສາມາດສັກໃຫ້ປະຊາຊົນລາວຈໍານວນ​ 308.410 ຄົນ (1 ຄົນຕໍ່ 2 ໂດສ໌).

​ພິທີມອບຮັບວັກຊິນດັ່ງກ່າວໄດ້ຈັດຂຶ້ນຢູ່ທີ່ສະໜາມບິນສາກົນວັດໄຕ ຊຶ່ງຕາງໜ້າລັດຖະບານລາວກ່າວຮັບໂດຍທ່ານ ນາງ ປານີ ຢາທໍ່ຕູ້ ຮອງປະທານປະເທດ  ແຫ່ງ ສປປ ລາວ ແລະ ຕາງໜ້າລັດຖະບານຍີ່ປຸ່ນ ກ່າວມອບໂດຍ ທ່ານ ເຄໂຊ ທາເກວະກະ ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ.

ຂ່າວ: ວຽງຈັນທາຍ

ພາບ: ເພັດໂພໄຊ 

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ