ວັກຊີນປ້ອງກັນໂຄວິດ-19 ຈໍານວນ 800.000 ໂດສ ທີ່ໄດ້ຮັບຈາກລັດຖະບານ ສປ ຈີນຈໍານວນ 500.000 ໂດສ ແລະ ກອງທັບປົດປ່ອຍປະຊາຊົນຈີນ 300.000ໂດສ ຊຶ່ງເປັນການຊ່ວຍເຫຼືອຄັ້ງທີ 3 ໄດ້ມາຮອດນະຄອນຫຼວງວຽງຈັນ ໃນຕອນຄໍ່າ ຂອງວັນທີ 31 ມີນາ 2021, ໂດຍມີພິທີມອບຮັບທີ່ສະໜາມບິນສາກົນວັດໄຕ ຮັບໂດຍ ທ່ານ ພັນຄໍາ ວິພາວັນ ນາຍົກລັດຖະມົນຕີແຫ່ງ ສປປ ລາວ ແລະ ຕາງໜ້າຝ່າຍຈີນກ່າວມອບໂດຍທ່ານ ຈ່ຽງ ຈ້າຍຕົ່ງ ເອກອັກຄະລັດຖະທູດ ສປ ຈີນ ປະຈໍາ ສປປ ລາວ.
ມາຮອດປະຈຸບັນ ສປ ຈີນ ໃຫ້ການຊ່ວຍເຫລືອ ວັກຊິນປ້ອງກັນໂຄວິດ-19 ແກ່ ສປປ ລາວ ແລ້ວ 3 ຄັ້ງ ຊຶ່ງມີຫລາຍກວ່າ 1 ລ້ານໂດສ.
