Vientiane Times Lao
ວັງວຽງພ້ອມແລ້ວທີ່ຈະຮັບຕ້ອນແຂກໃນລະດູການທ່ອງທ່ຽວ

ວັງວຽງພ້ອມແລ້ວທີ່ຈະຮັບຕ້ອນແຂກໃນລະດູການທ່ອງທ່ຽວ

ເຈົ້າໜ້າທີ່ເມືອງວັນວຽງ ແຂວງວຽງ ຈັນກຳລັງກວດສອບຄວາມພ້ອມໃນ ທຸກໆດ້ານ ເພື່ອຕ້ອນຮັບນັກທ່ອງ ທ່ຽວທີ່ຄາດວ່າຈະມີຈຳນວນຫຼວງ ຫຼາຍຫຼັ່ງໄຫຼເຂົ້າມາໃນລະດູການທ່ອງ ທ່ຽວທີ່ຈະມາເຖິງນີ້.
ທ່ານ ຄຳຜອງ ດວງວິໄລ ເຈົ້າເມືອງ ເມືອງວັງວຽງໄດ້ໃຫ້ສຳພາດຕໍ່ນັກຂ່າວໜັງສືພິມວຽງຈັນທາຍ ໃນວັນສຸກທີ 15 ພະຈິກ 2019 ຜ່ານມາວ່າ: ພວກ ເຮົາພອ້ມແລ້ວທີ່ຈະຕ້ອນຮັບບັນດາ ນັກທ່ຽວທ່ອງທີ່ໄດ້ວາງແຜນຈະມາ ທ່ຽວເມືອງວັງວຽງໃນລະດູການທ່ອງທ່ຽວທີ່ຈະມາຮອດນີ້. ພວກເຮົາໄດ້ກະກຽມການບໍລິການທີ່ດີທີ່ສຸດໂດຍສະເພາະແມ່ນ ໂຮງແຮມ, ບ້ານພັກ, ຮ້ານອາຫານ ລວມໄປເຖິງ ບັນດາກິດຈະກຳທ່ອງທ່ຽວທີ່ໜ້າສົນ ໃຈຕ່າງໆ.
ທ່ານ ຍັງໄດ້ກ່າວຕື່ມອີກວ່າ ປະຈຸບັນ ໂຕເລກນັກທ່ອງທ່ຽວໄດ້ມີການເພີ່ມ ຂຶ້ນແລ້ວ, ໂດຍສະເພາະແມ່ນນັກ ທ່ອງທ່ຽວທີ່ມາຈາກ ສປ ຈີນ, ສ. ເກົາຫຼີ ແລະ ປະເທດຝຣັ່ງ. ພວກເຮົາຍັງມີອີກສິ່ງໜຶ່ງທີ່ສຳຄັນ ໃນການໃຫ້ຄວາມເປັນມິດ ແລະ ຄວາມສະດວກສະບາຍຕໍ່ນັກທ່ອງ ທ່ຽວ ກໍ່ຄືຂົວຂ້າມນ້ຳຊອງແຫ່ງໃໝ່ ທີ່ທຸກຄົນບໍ່ວ່າຈະເປັນຄົນລາວ ຫຼື ຄົນຕ່າງປະເທດ ກໍ່ສາມາດໃຊ້ໄດ້ໂດຍ ບໍ່ມີຄ່າໃຊ້ຈ່າຍໃດໆທັ້ງສິ້ນ.
ໂຄງການກໍ່ສ້າງຂົວເຫຼັກຂ້າມນ້ຳຊອງ ໄດ້ເລີ່ມແຕ່ເດືອນກັນຍາເປັນຕົ້ນມາ, ໂດຍລັດຖະບານເປັນຜູ້ໃຫ້ທຶນສະໜັບສະໜູນ. ປະຈຸບັນມີຄວາມສຳເລັດໄປ ແລ້ວ 85% ຄາດວ່າຈະໄດ້ເປີດນຳ ໃຊ້ໃນ ວັນຊາດ ທີ 2 ທັນວາ ທີ່ຈະມາເຖິງນີ້.
ຂົວດັ່ງກ່າວມີຄວາມກວ້າງ 5.4 ຂຽນ ແມັດ ແລະ ຍາວ 94 ແມັດ ສາມາດຮັບ ນ້ຳໜັກໄດ້ສູງສຸດ 60 ໂຕນ. ຂົວຂ້າມນ້ຳຊອງແຫ່ງໃໝ່ນີ້ແມ່ນ ເຊື່ອມຕໍ່ລະຫວ່າງ ບ້ານ ຫ້ວຍ ສະເຫງົ້າ ແລະ ບ້ານ ຫ້ວຍແຍ້ ກັບ ຜາເງິນ, ຖ້ຳພູຄຳ ແລະ ແຫຼ່ງທ່ອງທ່ຽວ ທີ່ມີຊື່ສຽງອື່ນໆທີ່ໜ້າສົນໃຈ.
ຂໍ້ມູນເພີ່ມເຕີມເປັນພາສາອັງກິດ ທີ່ www.vientianetimes.org.la
ຂ່າວວຽງຈັນທາຍ: ສຸກນີລັນດອນ
ພາບ: ເຈົ້າໜ້າທີ່ເມືອງວັນວຽງ

Related Articles

Leave a Reply