Vientiane Times Lao
ວັນຊາປະນະກິດສົບອະດີດລັດຖະມົນຕີກະຊວງພາຍໃນຈະໄດ້ຈັດຂຶ້ນໃນວັນເສົາວັນທີ 19 ກັນຍານີ້

ວັນຊາປະນະກິດສົບອະດີດລັດຖະມົນຕີກະຊວງພາຍໃນຈະໄດ້ຈັດຂຶ້ນໃນວັນເສົາວັນທີ 19 ກັນຍານີ້

ຄະນະບໍລິຫານງານສູນກາງພັກ, ຄະນະຊາປະນະກິດສົົບ ແລະ ຄອບຄົວສູນວິເລີດ ແຈ້ງໃຫ້ຮູ້ວ່າ:  ວັນຊາປະນະກິດສົບ ອະດີດລັດຖະມົນຕີກະຊວງພາຍໃນ ສະຫາຍ ຄໍາໝັ້ນ ສູນວິເລີດ ຈະໄດ້ຈັດຂຶ້ນໃນວັນເສົາວັນທີ 19 ກັນຍາ 2020 ທີ່ຈະມາເຖິງນີ້ ທີ່ວັດເທບນິມິດ (ວັດທາດຝຸ່ນ) ໃນເວລາ 13 ໂມງ 00, ຫຼັງຈາກທີ່ໄດ້ເຈັບເປັນກະທັນຫັນ ແລະ ເສຍຊີວິດໃນຕອນເຊົ້າຂອງວັນທີ 14 ກັນຍາທີ່ຜ່ານມາ ລວມອາຍຸໄດ້ 70 ປີ. ສ່ວນມື້ຕັກບາດຖະຫວາຍສັງກະທານຈະໄດ້ຈັດຂຶ້ນໃນຕອນເຊົ້າວັນອັງຄານ ວັນທີ 22 ກັນຍາ ດ້ວຍພຣະສົງ 9 ອົງ.

ສົບຂອງເພີ່ນຈະບໍາເພັນກຸສົນເປັນເວລາ 6 ວັນ ນັບແຕ່ວັນທີ 14 – 19 ກັນຍາ 2020 ທີ່ສະໂມສອນກະຊວງປ້ອງກັນປະເທດ.

ໄລຍະທີ່ຜ່ານມາ ສະຫາຍ ຄໍາໜັ້ນ ສູນວິເລີດ ເຄີຍເປັນອະດີດກໍາມະການສໍາຮອງສູນກາງພັກສະໄໝ ທີ 4, ອະດີດກໍາມະການສູນກາງພັກສະໄໝທີ 5,6,7,8,9 ແລະ 10, ອະດີດເລຂາທິການສູນກາງຊາວໜຸ່ມປະຊາຊົນປະຕິວັດລາວ, ອະດີດເລຂາພັກແຂວງ ເຈົ້າແຂວງຜົ້ງສາລີ, ອະດີດເລຂາພັກແຂວງ ເຈົ້າແຂວງບໍ່ແກ້ວ ແລະ ອະດີດເລຂາຄະນະພັກ ລັດຖະມົນຕີກະຊວງພາຍໃນ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ