Vientiane Times Lao
ສວນພຶກສາຈະຈັດງານບຸນປະເພນີປີໃໝ່ເຜົ່າມົ້ງໃນທ້າຍປິນີ້

ສວນພຶກສາຈະຈັດງານບຸນປະເພນີປີໃໝ່ເຜົ່າມົ້ງໃນທ້າຍປິນີ້

ສວນພຶກສາຈະຈັດງານບຸນປະເພນີປີໃໝ່ຊົນເຜົ່າມົ້ງ ເພື່ອສົ່ງເສີມວັດທະນະທໍາ ຮີດຄອງປະເພນີຂອງຊົນເຜົ່າ ພ້ອມທັງເປັນການຊຸກຍູ້ສົ່ງເສີມການທ່ອງທ່ຽວ ລາວທ່ຽວລາວ, ໃນວັນທີ 11-13 ທັນວາ 2020 ທີ່ສວນພຶກສາ ບ້ານດ່ານຊີ ເມືອງນາຊາຍທອງ ນະຄອນຫຼວງວຽງຈັນ, ຊຶ່ງ ພາຍໃນງານ ຈະມີການປະກວດນາງສາວເຜົ່າມົ້ງ ພ້ອມດ້ວຍຄັດເລືອກນັກຮ້ອງສຽງດີ ເຜົ່າມົ້ງ.

ນອກຈາກນີ້ ຍັງຈະມີກິດຈະກໍາ ໃນການປະຕິບັດ ຮີດຄອງປະເພນີຂອງຊົນເຜົ່າ, ການສະແດງກາຍະສິນ, ມາຍາກົນ, ການສະແດງສິລະປະຟ້ອນ, ການແຂ່ງຂັນກິລາ ແລະ ຍັງມີກິດຈະກໍາ ອື່ນໆ ໃນງານບຸນປະເພນີປີໃໝ່ເຜົ່າມົ້ງຄັ້ງນີ້.

ພິທີຖະແຫຼງຂ່າວງານດັ່ງກ່າວ ຈັດຂຶ້ນໃນວັນທີ 27 ຕຸລາ 2020 ຢູ່ສວນພຶກສາ, ໂດຍມີ ຮອງປະທານແນວລາວສ້າງຊາດ ນະຄອນຫຼວງວຽງຈັນ, ທ່ານ ເຍ່ຍເກີຢາ ໜໍ່ຈໍ່ຈົງຕົວ, ມີເຈົ້າເມືອງນາຊາຍທອງ, ທ່ານ ວຽງຄໍາ ສີຫາໂຄດ, ມີ ປະທານຄະນະທີ່ປືກສາກົມຊົນເຜົ່າ,​ ທ່ານ ພອນເທບ ພົນເສນາ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ຂ່າວ: ວຽງຈັນທາຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ