Vientiane Times Lao
ສະຖານທູດອິນເດຍ ຈັດງານສະເຫຼິມສະຫຼອງວັນໂຍຄະສາກົນຄັ້ງທີ 6

ສະຖານທູດອິນເດຍ ຈັດງານສະເຫຼິມສະຫຼອງວັນໂຍຄະສາກົນຄັ້ງທີ 6

ສະຖານທູດອິນເດຍ ປະຈໍາ ສປປ ລາວ ໄດ້ຈັດງານສະເຫຼິມສະຫຼອງວັນໂຍຄະສາກົນຄັ້ງທີ 6 ເມື່ອບໍ່ດົນມານີ້ ທີ່ສະຖານທູດອິນເດຍ ປະຈໍາລາວ ໂດຍມີ ທ່ານ ທ່ານ ບຸນທະນົງສັກ ຈັນທະລາດ ຮັກສາການຫົວໜ້າກົມອາຊີປາຊີຟິກ ແລະ ອາຟຣິກາ ກະຊວງການຕ່າງປະເທດ, ທ່ານ ສຈ. ດຣ ບຸນຕຽມ ພິດສະໄໝ ອະດີດລັດຖະມົນຕີປະຈຳສຳນັກງານນາຍົກລັດຖະມົນຕີ ສປປ ລາວ, ທ່ານທູດອິນເດຍ ແລະ ຄະນະເຂົ້າຮ່ວມ.

 

ງານສະເຫຼີມສະຫຼອງວັນໂຍຄະສາກົນໃນຫລາຍປີຜ່ານມາ, ສະຖານທູດອິນເດຍແມ່ນໄດ້ຈັດຂຶ້ນຢູ່ເດີ່ນທາດຫຼວງ, ແຕ່ໃນປີນີ້ ເນື່ອງຈາກມີການລະບາດຂອງພະຍາດອັກເສບປອດສາຍພັນໃຫມ່ (Covid-19) ຈຶ່ງໄດ້ຈັດງານຢູ່ທີ່ສະຖານທູດອິນເດຍ.

 

ໂຍຄະ ເປັນມໍລະດົກອັນລ້ຳຄ່າຂອງຊາວອິນເດຍ ທີ່ສືບທອດກັນມາຈາກລຸ້ນສູ່ລຸ້ນ, ທັງໄດ້ເປັນວິທະຍາສາດດ້ານສຸຂະພາບທີ່ເປັນຢາອາຍຸວັດທະນະ ໄປພ້ອມໆກັບ ລະບົບການແພດ ອາຍຸເວດ Ayurveda, ສິດທາ Siddha, ການແພດຍູນານີ Unani ທີ່ເປັນອົງປະກອບຂອງຢາພື້ນເມືອງໃນການບຳບັດຮ່າງກາຍ, ຈິດໃຈ, ແລະ ລະບົບຫາຍໃຈ.

ໂຍຄະເປັນວິທະຍາສາດອັນເກົ່າແກ່ ແຕ່ກໍມີຄວາມສຳຄັນຢ່າງຍິ່ງໃນສະໄໝໃໝ່ ທີ່ເຕັມໄປດ້ວຍຄວາມວິຕົກກັງວົນ ແລະ ຄວາມຕຶງຄຽດ. ປັດຈຸບັນແມ່ນມີຊື່ສຽງໂດ່ງດັງໄປທົ່ວໂລກພໍສົມຄວນ.

ຂ່າວ-ພາບ: ວິສິດ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ