ສະພາກາແດງ ສ ເກົາຫຼີໄດ້ຊ່ວຍເຄື່ອງປະເພດ ອຸປະກອນການແພດ ແລະ ເຄື່ອງປ້ອງກັນພະຍາດໂຄວິດ-19 ໃຫ້ແກ່ອົງການກາແດງລາວຊຶ່ງປະກອບມີ ຜ້າອັດປາກ, ສະບູ, ນ້ຳຢາຂ້າເຊື້ອ, ເຈວລ້າງມື ຈຳນວນ 440 ກ່ອງ ລວມມູນຄ່າທັງໝົດ 600 ກວ່າລ້ານກີບ ໂດຍໄດ້ມີພິທີມອບ-ຮັບເຄື່ອງຊ່ວຍເຫຼືອດັ່ງກ່າວເມື່ອມໍ່ໆມານີ້ ທີ່ອົງການກາແດງລາວ ນະຄອນຫຼວງວຽງຈັນ ໂດຍມີທ່ານ ພູທອນ ເມືອງປາກ ປະທານອົງການກາແດງລາວ ທັງເປັນຮອງລັດຖະມົນຕີ ກະຊວງສາທາລະນະສຸກ ພ້ອມດ້ວຍພະນັກງານຫຼັກແຫຼ່ງຈາກອົງການກາແດງລາວ, ກາແດງນະຄອນຫຼວງ ແລະ ອາສາສະໝັກເຂົ້າຮ່ວມ.
ອຸປະກອນການແພດດັ່ງກ່າວນີ້, ອົງການກາແດງລາວຈະໄດ້ຈັດສັນ ແລະ ແຈກຢາຍໃຫ້ເປົ້າໝາຍພາກສ່ວນວິຊາການທີ່ເຄື່ອນໄຫວຕ້ານກັບການແຜ່ລະບາດຂອງພະຍາດໂຄວິດ-19 ແລະ ປະຊາຊົນຈໍານວນໜຶ່ງ.
ຂ່າວ-ພາບ: ຈາກອົງການກາແດງລາວ
