Vientiane Times Lao
ສະພາຜູ້ແທນປະຊາຊົນແຫ່ງຊາດຈີນ: ປັບປຸງລະບົບກົດໝາຍຂອງເຂດພິເສດຮົງກົງ

ສະພາຜູ້ແທນປະຊາຊົນແຫ່ງຊາດຈີນ: ປັບປຸງລະບົບກົດໝາຍຂອງເຂດພິເສດຮົງກົງ

ຕາມຂ່າວສະຖານທູດຈີນ, ໃນຕອນຄໍ່າວັນທີ 21 ພຶດສະພາ 2020 ນີ້ ສະພາຜູ້ແທນປະຊາຊົນແຫ່ງຊາດຈີນໄດ້ຈັດການຖະແຫຼງຂ່າວສໍາລັບກອງປະຊຸມຄັ້ງທີສາມສະໄໝທີ່ XIII ເຊິ່ງໄດ້ປະກາດວ່າ ໃນກອງປະຊຸມຄັ້ງນີ້ຈະພິຈາລະນາ ຄໍາຕັດສິນວ່າດ້ວຍການສ້າງ ແລະ ປັບປຸງລະບົບກົດໝາຍ ແລະ ກົນໄກປະຕິບັດງານຂອງເຂດພິເສດຮົງກົງ ໃນການປ້ອງກັນຄວາມສະຫງົບປອດໄພຂອງປະເທດ (ສະບັບຮ່າງ).

ໂຄສົກຂອງສະຖານທູດຈີນແຈ້ງຕື່ມວ່າ ຄວາມສະຫງົບປອດໄພເປັນພື້ນຖານທີ່ສໍາຄັນຂອງການສ້າງສາພັດທະນາປະເທດຊາດ. ປ້ອງກັນຄວາມສະຫງົບປອດໄພຂອງປະເທດ ເປັນປະໂຫຍດກົກຮາກຂອງປະຊາຊົນບັນດາເຜົ່າທົ່ວປະເທດ ລວມທັງປະຊາຊົນຮົງກົງ. ໃນກອງປະຊຸມຄົບຄະນະຄັ້ງທີສີ່ສະໄໝທີ XIX ຂອງພັກກອມມູນິດຈີນໄດ້ປະກາດຢ່າງຈະແຈ້ງວ່າ ຕ້ອງສ້າງແລະປັບປຸງລະບົບກົດໝາຍແລະກົນໄກປະຕິບັດງານຂອງເຂດພິເສດ ໃນການປ້ອງກັນຄວາມສະຫງົບປອດໄພຂອງປະເທດ.

ເຂດພິເສດຮົງກົງເປັນພາກສ່ວນໜຶ່ງຂອງສາທາລະນະລັດປະຊາຊົນຈີນ ທີ່ແຍກອອກຈາກກັນບໍ່ໄດ້. ສະພາຜູ້ແທນປະຊາຊົນແຫ່ງຊາດຈີນເປັນອົງການອຳນາດສູງສຸດຂອງປະເທດ. ໂດຍອີງໃສ່ສະພາບການໃໝ່ແລະຄວາມຕ້ອງການໃໝ່, ສະພາຜູ້ແທນປະຊາຊົນແຫ່ງຊາດຈີນ ນໍາເນີນສິດແລະໜ້າທີ່ທີ່ລັດຖະທໍາມະນູນມອບໃຫ້, ສ້າງແລະປັບປຸງລະບົບກົດໝາຍແລະກົນໄກປະຕິບັດງານຂອງເຂດພິເສດຮົງກົງ ໃນການປ້ອງກັນຄວາມສະຫງົບປອດໄພຂອງປະເທດ ໃນລະດັບຊາດ, ຍຶດໝັ້ນແລະປັບປຸງ ໜຶ່ງປະເທດສອງລະບອບ ໃຫ້ສົມບູນ, ທັງນີ້ກໍເປັນວຽກທີ່ຈໍາເປັນສົມຄວນ.

ຂ່າວ: ວຽງຈັນທາຍ (ແຫຼ່ງຂ່າວ ສະຖານທູດຈີນ ປະຈໍາລາວ)

ພາບ: ສໍານັກຂ່າວຊິນຮວາ

Related Articles

Leave a Reply