ຄະນະປະຈໍາສະພາແຫ່ງຊາດ ປະກາດຍົກຍ້າຍທ່ານ ພົນເອກ ຈັນສະໜອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ໄປປະຈຳຢູ່ສຳນັກງານນາຍົກລັດຖະມົນຕີ, ເປັນຮອງນາຍົກລັດຖະມົນຕີ ເພື່ອຮັບຜິດຊອບວຽກງານຂອງລັດຖະບານ ແລະ ແຕ່ງຕັ້ງ ທ່ານ ພົນໂທ ຄຳລຽງ ອຸທະໄກສອນ ຮອງລັດຖະມົນຕີກະຊວງປ້ອງກັນປະເທດ, ເປັນລັດຖະມົນຕີກະຊວງປ້ອງກັນປະເທດ.
ການຍົກຍ້າຍແຕ່ງຕັ້ງ ສະມາຊິກລັດຖະບານ 2 ທ່ານ ດັ່ງກ່າວນີ້ ແມ່ນໃນວາລະດຳເນີນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ວັນທີ 17 ພະຈິກ 2024, ໂດຍທ່ານນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ ໄດ້ຕາງໜ້າໃຫ້ຄະນະປະຈຳສະພາແຫ່ງຊາດ ຂຶ້ນຜ່ານມະຕິຂອງຄະນະປະຈໍາສະພາແຫ່ງຊາດ ໃນການຍົກຍ້າຍແຕ່ງຕັ້ງສະມາຊິກລັດຖະບານ 2 ທ່ານ ຄັ້ງນີ້.
