ແຂວງ ສະຫວັນນະເຂດມີແຜນຈະສຶບຕໍ່ສົ່ງເສີມແລະພັດທະນາແຫລ່ງທ່ອງທ່ຽວໂດຍເລັ່ງໃສ່ທ່າແຮງອັນສໍາຄັນໃນການພັດທະນາ ແລະ ສົ່ງເສີມການທ່ອງທ່ຽວ ໃນເຂດອະນຸພາກພື້ນລຸ່ມແມ່ນໍ້າຂອງ, ແຫລ່ງທ່ອ່ງທາງວັດທະນາທຳແລະປະຫວັດສາດ.
ທ່ານ ບຸນໂຈມ ອຸບົນປະເສີດ
ແຂວງໄດ່ຮັບຄວາມສຳເລັດໃນການສົ່ງເສີມທ່ອງທ່ຽວບາງຂະດ້ານໃນປີຜ່ານມາໂດຍສະເພາະ ແມ່ນການທ່ອງທ່ຽວທາງດ້ານທໍາມະຊາດທີ່ສາມາດດຶງດຸດນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມນັບມື້ນັບຫຼາຍຂື້ນ.
ແຫລ່ງທ່ອງທ່ຽວທາງວັດທະນາທຳ ແລະ ປະຫວັດສາດ, ພາບຖ່າຍ: ຖວທ ແຂວງສະຫັວນນະເຂດ
ການສົ່ງເສີມແລະ ພັດທະນການທ່ອງທ່ຽວຂອງແຂວງເຫັນວ່າມີການຂະຫຍາຍຕົວຢ່າງຕໍ່ເນື່ອງເຊິີງສະແດງໃຫ້ເຫັນຕົວເລກສະຖິຕິຂອງນັກທ່ອງທ່ຽວແຕ່ເດືອນມັງກອນ ຫາ ຕຸລາ ປີ 2024 ມີນັກທ່ອງທ່ຽວທັງໝົດ 683,166 ເທືອຄົນ; ຖ້າທຽບໃສ່ໃນໄລຍະດຽວກັນຂອງປີຜ່ານມາ ເພີ່ມຂື້ນ 26%. ເດືອນ 9-10/2024 ໄດ້ມີການຫັນປ່ຽນໂດຍໄດ້ມີການເກັບເງີນກອງທືນຈາກນັກທ່ອງທ່ຽວພາຍໃນແລະ ຕ່າງປະເທດ, ຊື່ງອີງຕາມຂໍ້ມູນຈາກພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງ ສະຫວັນນະເຂດ.
ທ່ານ ບຸນໂຈມ ອຸບົນປະເສີດ, ເຈົ້າແຂວງ ແຂວງສະຫວັນນະເຂດ ໄດ້ໃຫ້ສໍາພາດເມື່ອບໍດົນມານີ້ວ່າ ພວກເຮົາໄດ້ຮັບຜົນສຳເລັດໃນການສົ່ງເສີມທ່ອງທ່ຽວໃນປີຜ່ານມາໂດຍສະເພາະ ແມ່ນການສົ່ງເສີມການທ່ອງທ່ຽວທາງດ້ານທໍາມະຊາດ, ແຕ່ພວກເຮົາຍັງຕ້ອງສືບຕໍ່ສົ່ງເສີມດ້ານປະຫວັດສາດ, ທໍາມະຊາດ ແລະ ວັດທະນະທໍາ ໂດຍສະເພາະແມ່ນການກໍ່ສ້າງພື້ນຖານໂຄງລ່າງ ສີ່ງອໍານວຍຄວາມສະດວກ ແລະ ຊຸກຍູ້ສົ່ງເສີມທຸລະກິດພາຍໃນ ແລະ ດຶງດູດນັກທຸລະກິດຈາກຕ່າງປະເທດເຂົ້າມາລົງທຶນ ພ້ອມທັງຂະຫຍາຍທຸລະກິດການບໍລິການທ່ອງທ່ຽວ, ຜະລິດຕະພັນທ່ອງທ່ຽວ
ການສໍາຫລວດຈັດສັນ ກຳນົດຂອບເຂດບໍລິການ ສ້າງແຜນແມ່ບົດໃນການພັດທະນາກໍ່ແມ່ນວຽກງານທີ່ສຳຄັນທີ່ກຽ່ວຂ້ອງກັບການປັບປຸງກິດຈະກຳ ວຽກງານການບໍລິການການທ່ອງທ່ຽວ ພາຍໃນແຫລ່ງທ່ອງທ່ຽວໃຫ້ເປັນທີ່ຫນ້າສົນໃຈ ສ້າງຄວາມປະທັບໃຈ ເພື່ອດຶງດູດນັກທ່ອງທ່ຽວ ໃຫ້ເພີ່ມຂື້ນ.
ນອກນີ້, ພວກເຮົາຈະສົ່ງເສີມ ແລະ ປັບປຸງບູລະນະຕົວເມືອງເກົ່ານະຄອນໄກສອນພົມວິຫານໃຫ້ກາຍເປັນສະຖານທີ່ທ່ອງທ່ຽວທີ່ເປັນເອກະລັກທາງດ້ານປະຫວັດສາດ ເພາະມີຮູບຊົງທີ່ເກົ່າແກ່ໂດຍຮັກສາໂຄງສ້າງແບບດັ້ງເດີມຂອງຊາວສະຫວັນນະເຂດ ເປັນຈຸດໃຈກາງໃນການເຕົ້າໂຮມນັກທ່ອງທ່ຽວ ທັງພາຍໃນ ແລະ ຕ່າງປະເທດ, ພັດທະນາ ດ້ານພື້ນຖານໂຄງລ່າງສິ່ງອໍານວຍຄວາມສະດວກຈຸດພັກຜ່ອນສວນສາທາລະນະເສັ້ນທາງເຂົ້າແຫລ່ງທ່ອງທ່ຽວໃຫ້ສະດວກສະບາຍ.
ທ່ານເຈົ້າແຂວງກ່າວຕື່ມວ່າ: ການພັດທະນາ ແລະ ສົ່ງເສີມກິດຈະກຳທ່ອງທ່ຽວ ປະກອບມີ: ຊຸກຍູ້ ແລະ ສົ່ງເສີມງານບຸນປະເພນີຕ່າງໆຂອງບັນດາເມືອງ, ຈັດງານນິເທດສະການ ແລະ ກິດຈະກຳທ່ອງທ່ຽວ ເຊັ່ນ: ຈັດງານສະຫວັນສຸກສັນຫັນສາ, ເທດສະການອາຫານ – ເຄື່ອງດື່ມ, ກິດຈະກຳຄາລາວານລົດຖີບຈັດຂື້ນພາຍໃນແລະເຊື່ອມໂຍງກັບບັນດາແຂວງ ຂອງ 2 ປະເທດ ທີ່ຕິດຈອດ ( ສະຫວັນນະເຂດ – ມຸກດາຫານ ) ພາຍໃຕ້ ໂຄງການຄາລະວານລົດຖີບສອງ ຝັງຂອງ ລາວ-ໄທ ເຊື່ອມໂຍງການທ່ອງທ່ຽວ.
ທ່ານຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ລຳຄູນ ວໍລະວົງ ກ່າວວ່າ ພວກເຮົາມີການສົ່ງເສີມການສ້າງຜະລິດຕະພັນ ຜ້າຝ້າຍ ຍ້ອມສີທຳມະຊາດ ແລະ ຊຸດບັນດາເຜົ່າຕ່າງໆ ທີ່ເປັນຜະລິດຕະພັນສິນຄ້າທີ່ເປັນເອກະລັກຂອງແຂວງ.
ວຽກງານການບໍລິການຂອງບັນດາ ຫົວໜ່ວຍທຸລະກິດບໍລິການ ແລະ ອາຫານ, ສະຖານທີ່ພັກແຮມ, ຮ້ານກິນດື່ມ, ຮ້ານບັນເທິງ ແລະ ບັນດາຫົວໜ່ວຍທຸລະກິດບໍລິການທີ່ປິນອ້ອມການທ່ອງທ່ຽວ ໂດຍພວກເຮົາຈະປັບປຸງໃຫ້ມີຄຸນນະພາບຕາມມາດຖານອາຊຽນ.
ແຂວງສະຫວັນນະເຂດມີທຸລະກິດການບໍລິການທັງຫມົດ: ໂຮງແຮມ 49 ແຫ່ງ; ເຮືອນພັກ 172 ແຫ່ງ; ລິສອດ 2 ແຫ່ງ; ຮ້ານອາຫານ 168 ແຫ່ງ;
ຮ້ານບັນເທີງ 7 ແຫ່ງ; ບໍລິສັດນໍາທ່ຽວ 12 ບໍລິສັດ ແລະ ມີແຫຼ່ງທ່ອງທ່ຽວທັງໝົດ 116 ແຫ່ງ; ແຫຼ່ງທ່ອງທ່ຽວທຳມະຊາດ 29 ແຫ່ງ; ແຫຼ່ງທ່ອງທ່ຽວວັດທະນະທຳມີ 73 ແຫ່ງ ແລະ ແຫຼ່ງທ່ອງທ່ຽວປະຫວັດສາດມີ 13 ແຫ່ງ.
ນອກຈາກນັ້ນ, ແຂວງຍັງໄດ້ປັບປຸງດ້ານການບໍລິການເຂົ້າ-ອອກດ່ານສາກົນ ແລະ ສາຍການປິນພາຍໃນ ແລະ ຕ່າງປະເທດ ເພື່ອໃຫ້ມີຄວາມວ່ອງໄວ ແລະ ເຊື່ອມໂຍງກັນບັນດາປະເທດໃກ້ກຽງໃຫ້ຫຼາຍຂື້ນ ຕື່ມ.
ທີມນັກຂ່າວໜັງສືພີມວຽງຈັນທາຍຮ່ວມຖ່າຍຮູບກັບທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນຍະເຂດ ຫລັງໄດ້ໃຫ້ສຳພາດທີມງານຂ່າວກ່ອນເດີນທາງຕໍ່ໄປແຂວງຈຳປາສັກ.
