Vientiane Times Lao
ສະຫະ​ພັນ​ບານ​ເຕະ​ແຫ່ງ​ຊາດລາວ ເນັ້ນໃສ່ພັດທະນາ ນັກກິລາ ເຍົາວະຊົນ ເພື່ອເປັນນັກກິລາຮຸ່ນສືບທອດໃນອະນາຄົດ

ສະຫະ​ພັນ​ບານ​ເຕະ​ແຫ່ງ​ຊາດລາວ ເນັ້ນໃສ່ພັດທະນາ ນັກກິລາ ເຍົາວະຊົນ ເພື່ອເປັນນັກກິລາຮຸ່ນສືບທອດໃນອະນາຄົດ

ປະຈຸບັນ, ສະຫະພັນບານເຕະແຫ່ງຊາດລາວ (ສຕລ) ແມ່ນເປີດໂອກາດໃຫ້ກັບບັນດາອະນຸຊົນ ແລະ ເຍົາວະຊົນ ແຕ່ລະສະໂມສອນ ແລະ ພາກສ່ວນຕ່າງໆໃນທົ່ວປະເທດ ໄດ້ມີເວທີສະແດງຄວາມສາມາດ, ພອນສະຫວັນດ້ານກິລາ, ເນັ້ນໃສ່ພັດທະນາ ນັກກິລາຮຸ່ນໃໜ່ ເພື່ອກຽມເປັນນັກກິລາຮຸ້ນສືບທອດໃນອະນາຄົດ.
ໂດຍສະເພາະ ຫະພັນບານເຕະແຫ່ງຊາດລາວ ແລະ Mazda ກຽມຈັດການແຂ່ງຂັນບານເຕະລາຍການ Mazda Challenge Cup ຄັ້ງທີ 1 ປະຈຳປີ 2020 ໂດຍຈະມີການແຂ່ງຂັນ 3 ຮຸນຄື: ຮຸນອາຍຸບໍ່ເກີນ 7 ປີ, 9 ປີ ແລະ 11 ປີ, ຊຶ່ງການແຂ່ງຂັນລາຍນີ້ໄດ້ກໍານົດຈັດຂຶ້ນໃນວັນທີ 26-27 ທັນວາ 2020 ນີ້ທີ່ນະຄອນຫຼວງວຽງຈັນ, ພາຍຫຼັງໄດ້ເລື່ອນການຈັດແຂ່ງຂັນ ໃນເດືອນພຶດສະພາ 2020 ຜ່ານມານີ້ ເນື່ອງຈາກ ການລະບາດຂອງພະຍາດ ໂຄວິດ-19.
ສຳລັບລາຍການແຂ່ງຂັນດັ່ງກ່າວ, ຮຸ່ນອາຍຸ 7 ປີ ມີທີມຕອບຮັບເຂົ້າຮ່ວທັງຫມົດ 8 ທີມ, ຮຸ່ນອາຍຸ 9 ປີ ມີທີມຕອບເຂົ້າຮ່ວມທັງຫມົດ 14 ທີມ ແລະ ຮຸ່ນອາຍຸ 11 ປີ ມີທີມຕອເຂົ້າຮ່ວມທັງຫມົດ 15 ທີມ,ຊຶ່ງມາຈາກບັນດາສະໂມສອນ ອ້ອມຂ້າງນະຄອນຫຼວງວຽງຈັນ, ແຂວງ ບໍຄຳໄຊ ແລະ ແຂວງ ຄຳມ່ວນ.

ຂໍ້ມູນ+ພາບ: ສຕລ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ