Vientiane Times Lao
ສະຫາຍ ສັນຕິພາບ ພົມວິຫານ ຖືກຄັດເລືອກເປັນເລຂາຄະນະບໍລິຫານງານພັກແຂວງສະຫວັນນະເຂດອີກສະໄໝ

ສະຫາຍ ສັນຕິພາບ ພົມວິຫານ ຖືກຄັດເລືອກເປັນເລຂາຄະນະບໍລິຫານງານພັກແຂວງສະຫວັນນະເຂດອີກສະໄໝ

ກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງສະຫວັນ​ນະ​ເຂດທີ່ໄດ້ຈັດ ຂຶ້ນເມື່ອບໍ່ດົນມານີ້ທີ່ ຫ້ອງວ່າການແຂວງສະຫວັນນະເຂດ ໂດຍການເຂົ້າຮ່ວມຂອງທ່ານທອງລຸນ ສີສຸລິດ ນາຍົກລັດຖະມົນຕີ, ໄດ້ມີການປ່ອນບັດເລືອກຕັ້ງເອົາ ຄະນະບໍລິຫານງານພັກແຂວງຊຸດໃຫມ່ຊຶ່ງຜົນການປ່ອນບັດປະກົດວ່າ, ສະຫາຍ ສັນຕິພາບ ພົມ ວິຫານ ເປັນເລຂາຄະນະບໍລິຫານງານພັກແຂວງ ອີກສະໝ, ສະຫາຍ ພູວັງ ເກດແກ້ວສົມພອນ ແລະ ສະຫາຍ ກົງແກ້ວ ມີວໍລະຈັກ ເປັນຮອງເລຂາຄະນະບໍລິຫານງານພັກແຂວງ, ເລືອກເອົາສະຫາຍ ລຳທອງ ຂອບສີລາວົງ ເປັນປະທານຄະນະກວດກາພັກແຂວງ, ສະຫາຍ ແຖວຄຳ ພົມມະວົງ, ສະຫາຍ ສີວິໄລ ຈັນທຳມະຈັກ, ສະຫາຍ ນາງ ກິ່ນນາລີ ວົົງຄຳໂສພາ ແລະ ສະຫາຍ ທຳມະລາດ ມະນີວົງ ເປັນຮອງປະທານກວດກາພັກແຂວງ.
ນອກນັ້ນ ຍັງໄດ້ເລືອກເອົາຜູ້ແທນສົມບູນ ຈຳນວນ 38 ສະຫາຍ (ຍິງ 4 ສະຫາຍ) ແລະ ສຳຮອງ 3 ສະຫາຍ ເພື່ອເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດ ຂອງພັກຄັ້ງທີ XI.

ຂ່າວ-ພາບ: ກົມປະຊາສຳພັນ ຫສນຍ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ