Vientiane Times Lao
ສາຍການບິນລາວຈະໂຈະ​ຖ້ຽວບິນໄປ​ ສ.​ເກົາຫລີ ຊົ່ວຄາວ

ສາຍການບິນລາວຈະໂຈະ​ຖ້ຽວບິນໄປ​ ສ.​ເກົາຫລີ ຊົ່ວຄາວ

ລັດວິສາຫະກິດການບິນລາວ ຄາດວ່າຈະໂຈະຖ້ຽວບິນ​ ຈາກນະຄອນຫຼວງວຽງຈັນ, ສປປ ລາວ ໄປນະຄອນຫຼວງເຊອູນ​, ສ.ເກົາຫລີ ຊົ່ວຄາວໃນເດືອນໜ້າ ເນື່ອງຈາກມີຜູ້ໂດຍສານໜ້ອຍ.

ທ່ານ​ ໜູແດງ ຈັນທະຜາສຸກ, ຫົວໜ້າພະແນກການຄ້າ ແລະ ການຕະຫຼາດ ຂອງລັດວິສາຫະກິດການບິນລາວ​ ໃຫ້ສໍາພາດກັບນັກຂ່າວວຽງຈັນທາຍວ່າ: ພວກເຮົາຄາດວ່າຈະໂຈະຖ້ຽວບິນດັ່ງກ່າວຊົ່ວຄາວ ເພາະຄົນເກົາຫລີໃຕ້ ສ່ວນຫຼາຍຈະບໍ່ເດີນທາງອອກນອກປະເທດໃນຊ່ວງນີ້ ເນື່ອງຈາກວ່າພາຍໃນປະເທດເຂົາເຈົ້າ​ມີການແຜ່ລະບາດຂອງພະຍາດອັກເສບປອດສາຍພັນໃໝ່ (COVID-19).

ມື້ນີ້​ ການບິນລາວ ກໍ່ໄດ້ຍົກເລີກຖ້ຽວບິນໄປແລ້ວໜຶ່ງຖ້ຽວ ເພາະຜູ້ໂດຍສານທັງໝົດຍົກເລີກການຈອງ​ ແລະ​ ຄາດວ່າຈະເປີດຖ້ຽວບິນນີ້ໄດ້ອີກຄັ້ງ ກໍ່ຕໍ່ເມື່ອສະພາບການລະບາດຂອງພະຍາດອັກເສບປອດສາຍພັນໃໝ່ຢູ່ ສ.ເກົາຫລີ ກັບສູ່ພາວະປົກກະຕິ.​

ຂ່າວ: ສຸກສະໄໝ
ພາບ: ສີ​ໃສ

Related Articles

Leave a Reply