Visit BigblueAgency
ສາຍການບິນ Vietjet ບັນລຸ​ຂໍ້​ຕົກລົງ​ປັບປຸງ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດລະຫວ່າງ ສປປ ລາວ ແລະ ສສ ຫວຽດນາມ

ສາຍການບິນ Vietjet ບັນລຸ​ຂໍ້​ຕົກລົງ​ປັບປຸງ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດລະຫວ່າງ ສປປ ລາວ ແລະ ສສ ຫວຽດນາມ

ກະຊວງໂຍທາທິການ ແລະ ຂົນສົ່ງປະຈຳ ສປປລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງປະເທດລາວ-ຫວຽດນາມ. ພິທີ​ປະກາດ​ດັ່ງກ່າວ​ໄດ້​ຈັດ​ຂຶ້ນ​ຢູ່ນະຄອນຫຼວງ​ວຽງ​ຈັນໂດຍມີທ່ານທອງລຸນ ສີສຸລິດ ປະທານປະເທດແຫ່ງສປປ ລາວ ເປັນ​ສັກຂີ​ພະຍານ ແລະ  ທ່ານ ໂຕ່ ລໍ່າ ປະທານປະເທດແຫ່ງສສ ຫວຽດນາມ​ພ້ອມແຂກ​ຜູ້​ມີ​ກຽດ​ລະດັບ​ສູງ​ຂອງ​ທັງ​ສອງ​ປະ​ເທດ. ສາຍການບິນ Vietjet ຈະຮ່ວມມືກັບກົມການບິນພົນລະເຮືອນຂອງລາວເພື່ອຈັດຕັ້ງປະຕິບັດໂຄງການທີ່ກ່ຽວຂ້ອງກັບການບິນ ແລະຂະຫຍາຍການເຄື່ອນໄຫວການຂົນສົ່ງທາງອາກາດໃນລາວເຊີ່ງໄດ້ຄາດ​ວ່າ​ຈະ​ສ້າງ​ວຽກ​ເຮັດ​ງານ​ທຳ​ໃໝ່ໃຫ້​ບຸກຄະລາກອນໃນ​ຂະ​ແໜງ​​ການບິນໄດ້​ເຖິງ 2.500 ຄົນ, ສາຍ​ການບິນ​ຍັງ​ມີ​ແຜນ​ຈະ​ສ້າງ​ຕັ້ງ​ສູນ​ຝຶກອົບຮົມ ແລະ ພັດທະນາ​ໃນ​ປະເທດລາວຮ່ວມ​ກັບສະຖາບັນຝຶກອົບຮົມການບິນ Vietjet ​ເພື່ອ​ຕິດຕາມ​ກວດກາ​ການ​ຝຶກ​ອົບຮົມ​ພະນັກງານ​ໃໝ່ໃນລະດັບ​ສາກົນ. ໃນທາງກົງກັນຂ້າມ, ການເປັນຄູ່ຮ່ວມງານຂອງສາຍການບິນກົມ​ການບິນ​ພົນລະ​ເຮືອນ​ລາວ​ຈະ​ໃຫ້ການ​ສະໜັບສະໜູນ​ດ້ານ​ບໍລິຫານ, ກົດໝາຍ ​ແລະ ສິ່ງ​ອຳນວຍ​ຄວາມ​ສະດວກ ຕະຫຼອດຈົນເຖິງການປະສານງານກັບອົງກອນຕ່າງໆເພື່ອອໍານວຍຄວາມສະດວກໃນການຈັດຕັ້ງປະຕິບັດໂຄງການ. ຄວາມມຸ່ງໝັ້ນຂອງສາຍການບິນ Vietjet ໃນການຂະຫຍາຍການເຊື່ອມຕໍ່ທາງອາກາດໃນປະເທດລາວຈະນຳສະເໜີທາງເລືອກຖ້ຽວບິນທີ່ມີລາຄາປະຫຍັດ ແລະ ການບໍລິການທາງທີ່ມີຄຸນນະພາບໃຫ້ແກ່ນັກທ່ອງທ່ຽວລາວ ແລະ ຕ່າງປະເທດທີ່ເຂົ້າມາທ່ຽວຊົມ. ​ການ​ຂະ​ຫຍາຍ​ຕົວທຸລະກິດຂອງສາຍການບິນ​ຂອງ Vietjet ມາ​ປະ​ເທດ​ລາວ​ໃນ​ຕົ້ນ​ປີ​ນີ້ມີຖ້ຽວບິນເຊື່ອມຕໍ່ນະຄອນຫຼວງວຽງຈັນຫານະຄອນໂຮ່ຈິມິນດ້ວຍສີ່ຖ້ຽວບິນໄປກັບຕໍ່ອາທິດໃນວັນຈັນ, ວັນພຸດ, ວັນສຸກ ແລະ ວັນອາທິດດ້ວຍ​ເວລາໃນການ​ບິນ​ພຽງ1ຊົ່ວ​ໂມງ45ນາທີ. ບັນດາ​ຂໍ້​ລິ​ເລີ່​ມນີ້​ໄດ້ແນ​ໃສ່ການ​ຊຸກຍູ້​ເສດຖະກິດ ແລະ ພັດທະນາສັງຄົມ, ສົ່ງເສີມການຄ້າ,ການ​ເຊື່ອມ​ຕໍ່​ການ​ທ່ອງ​ທ່ຽວ​ ​ແລະ ການ​ແລກປ່ຽນ​ວັດທະນະທຳ​ລະຫວ່າງ​ປະເທດລາວ​ ແລະ ​ປະ​ເທດ​ເພື່ອນ​ບ້ານ​ໃນ​ພາກ​ພື້ນ. ກະຊວງໂຍທາທິການ ແລະ ຂົນສົ່ງລາວໄດ້ຊົມເຊີຍການສະໜັບສະໜູນ ແລະ ຄວາມສາມາດຂອງສາຍການບິນ Vietjet ເຊີ່ງເປັນສາຍການບິນສາກົນທີ່ມີການຂະຫຍາຍຕົວຂອງເຄຶອຂ່າຍການບິນໄດ້ຢ່າງວ່ອງໄວ. ຂໍ້ຕົກລົງທີ່ປະກາດໃນມື້ນີ້ຍັງສອດຄ່ອງກັບເປົ້າໝາຍ ແລະ ທິດທາງລວມຂອງລັດຖະບານທັງສອງປະເທດໃນບົດບັນທຶກວ່າດ້ວຍການຮ່ວມມືຍຸດທະສາດດ້ານຄົມມະນາຄົມລະຫວ່າງລັດຖະບານຫວຽດນາມ ແລະ ສປປ ລາວໃນໄລຍະ 2016-2025. ໃນປີ 2023, ສາຍການບິນ Vietjet ໄດ້ເປີດສູນຝຶກອົບຮົມເຮືອບິນລະດັບພາກພື້ນໂດຍມີການຮ່ວມມືກັບສາຍການບິນລາວແອລາຍໃນຕົ້ນປີທີ່ຜ່ານມາ. ສາຍ​ການ​ບິນ​ໄດ້​ເປີດໂຕ​ເສັ້ນ​ທາງ​ທຳ​ອິດ​ລະ​ຫວ່າງ​ລາວ​ ແລະ​ ຫວຽດ​ນາມເຊີ່ງເຊື່ອມຕໍ່ລະຫວ່າງນະຄອນຫຼວງວຽງຈັນ ແລະ ນະຄອນໂຮ່ຈີມິນ. ການ​ບໍລິການ​ທາງ​ອາກາດ​ໄດ້​ສະ​ເໜີ​ໃຫ້​ນັກ​ທ່ອງ​ທ່ຽວ​ມີ​ທາງ​ເລືອກ​ໃນ​ການ​ເດີນທາງ​ທີ່​ສະດວກ​ ​ແລະ ມີ​ຄວາມ​ຫຼາກ​ຫຼາຍ​ລະຫວ່າງ​ສອງ​ປະ​ເທດ. ສໍາລັບການເຊື່ອມຕໍ່ຖ້ຽວບິນໄປອົດສະຕຣາລີ, ອິນເດຍ, ເກົາຫຼີໃຕ້, ຍີ່ປຸ່ນ, ຈີນ, ອິນໂດເນເຊຍ, ໄທ, ສິງກະໂປ, ມາເລເຊຍ, ກາຊັດສະຖານ, ແລະ ອື່ນໆ. ປັດຈຸ​ບັນປະເທດຫວຽດນາມ ​ແມ່ນ​ໜຶ່ງ​ໃນ​ບັນດາ​ນັກ​ລົງທຶນ ​ແລະ ຄູ່​ຮ່ວມ​ມື​ການ​ຄ້າລາຍ​ໃຫຍ່​ຂອງ ສປປ ​ລາວ ທີ່ມີ 255 ໂຄງການລົງທຶນລວມມູນຄ່າທັງໝົດ 5,5 ຕື້ໂດລາສະຫະລັດ. ໂຄງການດັ່ງກ່າວໄດ້ສຸມໃສ່ອຸດສາຫະກໍາການຂົນສົ່ງ, ການທ່ອງ​ທ່ຽວ, ວິ​ທະ​ຍາ​ສາດ​ເຕັກ​ໂນ​ໂລ​ຊີ ​ແລະ ​ອື່ນໆ​ ເຊີ່ງເປັນການ​ສົ່ງ​ເສີມ​ການ​ແລກ​ປ່ຽນ​ການ​ຄ້າ​ການພັດທະນາແບບຍືນຍົງ ​ແລະ ​ການແບ່ງປັນ​ຄວາມ​ຈະ​ເລີ​ນຮຸ່ງ​ເຮືອງ​ຂອງ​ ສປປ ລາວ, ສສ ຫວຽດນາມ ​ແລະ ພາກ​ພື້ນ.

 

Related Articles

Leave a Reply