ສານປະຊາຊົນແຂວງ ໄຊຍະບູລີ ໄດ້ຈັດພິທີປະກາດການແຕ່ງຕັ້ງ ບຸກຄະລາກອນໂດຍມີການແຕ່ງຕັ້ງ ປະທານສານປະຊາຊົນເຂດ 1 ແຂວງ ໄຊຍະບູລີ ແລະ ຮອງປະທານສານປະຊາຊົນເຂດ 2 ໄຊຍະບູລີໂດຍການເຂົ້າຮ່ວມເປັນປະທານຂອງ ທ່ານ ບຸນຂວາງ ທະວີສັກ ຮອງເລຂາຄະນະບໍລິຫານງານພັກ, ຮອງປະທານສານປະຊາຊົນສູງສຸດ ແລະ ມີ ທ່ານ ຄໍາສິງ ສີບົວພັນ ປະທານສານປະຊາຊົນແຂວງ ໄຊຍະບູລີ.
ໃນພິທີດັ່ງກ່າວ ໄດ້ຜ່ານມະຕິຕົກລົງຂອງຄະນະປະຈຳສະພາແຫ່ງຊາດ ວ່າດ້ວຍການແຕ່ງຕັ້ງ ຄື:
1. ແຕ່ງຕັ້ງທ່ານ ແຂກ ສີລາມາດ ຮັກສາການປະທານສານປະຊາຊົນເຂດ 1 ແຂວງ ໄຊຍະບູລີ ເປັນປະທານສານປະຊາຊົນເຂດ 1 ແຂວງ ໄຊຍະບູລີ
2.ແຕ່ງຕັ້ງທ່ານ ມະໂນສິດ ມາສາວົງດີ ຫົວໜ້າຄະນະສານອາຍາ ສານປະຊາຊົນເຂດ 2 ແຂວງ ໄຊຍະບູລີ ເປັນຮອງປະທານສານປະຊາຊົນເຂດ 2 ໄຊຍະບູລີ.
ແຫຼ່ງຂ່າວ: ສານປະຊາຊົນສູງສຸດ ແຫ່ງ ສປປ ລາວ
